Mikið mun mæða á Mourinho næstu daga Hjörvar Ólafsson skrifar 20. ágúst 2018 07:00 Jose Mourinho, knattspyrnustjóri Manchester United. Vísir/Getty Maurizio Sarri og Unai Emery, sem tóku við stjórnartaumunum hjá liðunum Chelsea og Arsenal í sumar, fengu miserfið próf í upphafi keppnistímabilsins í ensku úrvalsdeildinni í knattspyrnu karla. Á meðan Sarri fór með lærisveina sína hjá Chelsea til Huddersfield Town í fyrstu umferðinni og vann sannfærandi sigur fór Emery með pilta sína og atti kappi við ríkjandi meistara, Manchester City, og tapaði. Þessir nýliðar í deildinni leiddu saman hesta sína á Stamford Bridge á laugardaginn og úr varð fjörugur leikur þar sem Sarri hafði vinninginn. Munaði þar ansi miklu um að Sarri gat leyft sér þann munað að geyma Eden Hazard á varamannabekknum framan af leik og spilað honum út sem trompi þegar leið á leikinn. Hazard hafði ekki verið lengi inni á vellinum þegar hann lagði upp sigurmarkið sem Marcus Alonso skoraði. Eftir stendur að Chelsea er með fullt hús stiga á meðan Arsenal er enn að reyna að ná sínu fyrsta stigi í deildinni undir stjórn Emery. Eins og áður segir verður að virða Emery það til vorkunnar að próf hans í frumrauninni var mun þyngra og það var lítið sem skildi liðin að í þessum leik. Matteo Guendouzi, franski miðvallarleikmaðurinn, var mun öflugri í þessum leik en gegn Manchester City og ýmis fleiri jákvæð teikn eru á lofti hjá Arsenal. Hjá Chelsea hefur Jorginho aðstoðað Sarri við að innleiða leikstíl sinn hjá liðinu og flýtt því ferli að liðið geti með góðu móti skipt frá varnarsinnuðum leik undir stjórn Antonio Conte í leik þar sem rík áhersla er lögð á flæði í sóknarleiknum. Harry Kane rauf álög sín hvað það varðar að koma boltanum í net andstæðinga sinna í ágústmánuði þegar hann skoraði eitt marka Tottenham Hotspur í 3-1-sigri liðsins gegn Fulham. Tottenham Hotspur sem voru töluvert gagnrýndir fyrir að kaupa engan leikmann í félagaskiptaglugganum láta engan bilbug á sér finna enn sem komið er og hafa borið sigurorð í báðum leikjum sínum í deildinni til þessa. Fulham sem er nýliði í deildinni kostaði aftur á móti miklu til í leikmannakaupum sínum í sumar og var það félag sem eyddi mestu í þeim glugga er hins vegar án stiga eftir tvo leiki.Gylfi blómstrar í nýju hlutverki Gylfi Þór Sigurðsson átti afbragðs leik fyrir Everton sem vann nokkuð sannfærandi sigur gegn Southampton. Gylfi Þór nýtur sín afar vel í því hlutverki sem Marco Silva virðist ætla að fela honum í vetur, það er að leika fyrir aftan Cenk Tosun, framherja liðsins, og skapa færi fyrir Richarlison, Theo Walcott og aðra þá eldibranda sem koma inn á kantinn hjá liðinu. Gylfi Þór skapaði að vanda mikinn usla með föstum leikatriðum sínum og svo virðist sem Silva hafi lagt ríka áherslu á þann þátt leiksins á undirbúningstímabilinu í sumar. Það var eftir eitt slíkt sem Everton komst á bragðið í leiknum, en þar léku Leigton Baines, Morgan Schneiderlin og Theo Walcott laglega fléttu sem Walcott rak smiðshöggið á. Jóhann Berg Guðmundsson lagði upp mark Burnley sem tapaði fyrir Watfrod með þremur mörkum gegn einu. Það verður líklega þungt yfir æfingu Manchester United í dag, en liðið tapaði fyrir Brighton með þremur mörkum gegn tveimur. José Mourinho mun líklega benda forráðamönnum liðsins á að hann hafi haft á réttu að standa þegar hann ræddi um mikilvægi þess að styrkja hjarta varnarinnar framan af degi og svo leita leiða til þess að lappa upp á samband hans við Paul Pogba síðdegis, en svo virðist sem afar stirt sé á milli þeirra félaganna. „Fjölmiðlar og álitsgjafar eru vanalega mjög iðnir við kolann í gagnrýni sinni á mig þegar ég gagnrýni frammistöðu einstakra leikmanna minna svo ég vil biðja þig vinsamlegast um að leiða mig ekki í þá átt. Ég ætla ekki að tala á neikvæðan hátt um leikmenn mína hér, en segi bara að við gerðum of mörg mistök og okkur var refsað fyrir þau. Stundum sleppur þú með skrekkinn eftir að hafa gert mistök, en það var ekki uppi á teningnum í þessum leik. Við fengum á okkur mark í öll þau skipti sem leikmönnum varð á í messunni. Við misstum svo niður sjálfsöryggið með hverjum mistökunum sem við gerðum og það sást á spilamennsku leikmanna þegar leið á leikinn,“ sagði Mourinho í samtali við enska fjölmiðla eftir leikinn. Öllu léttara verður yfir í bláa enda Manchester-borgar, en Manchester City rótburstaði Huddersfield Town, en þar lék Sergio Agüero og skoraði þrjú marka liðsins í 6-1-sigri. Ríkjandi meistarar ætla greinilega ekkert að slá af í titilvörn sinni. Þeir eru strax komnir á topp deildarinnar, en liðið hefur bestu markatöluna af þeim liðum sem hafa fullt hús stiga. Umferðinni lýkur í kvöld með leik Liverpool og Crystal Palace á Selhurst Park, en bæði lið báru sigurorð af mótherjum sínum í leikjunum í fyrstu umferðinni. Liverpool vann sannfærandi sigur á West Ham United á meðan Crystal Palace lagði liðsfélaga Arons Einars Gunnarssonar hjá Cardiff City að velli. Birtist í Fréttablaðinu Fótbolti Mest lesið Bakgarðshlaupið í beinni útsendingu Sport Féllu á meðan þjálfarinn sem þeir ráku hélt Blackburn uppi Enski boltinn „Ég sakna hennar á hverjum degi“ Handbolti Fengu myndsímtal frá Ed Sheeran í búningsklefanum Enski boltinn Hetja Keflvíkinga hafði aldrei áður skorað svona flautukörfu á ferlinum Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti Sú markahæsta með tár á hvarmi er hún tilkynnti brotthvarf sitt frá Chelsea Enski boltinn NBA meistararnir réðu ekki við hinn magnaða Anthony Edwards Körfubolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti Fleiri fréttir Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Sjá meira
Maurizio Sarri og Unai Emery, sem tóku við stjórnartaumunum hjá liðunum Chelsea og Arsenal í sumar, fengu miserfið próf í upphafi keppnistímabilsins í ensku úrvalsdeildinni í knattspyrnu karla. Á meðan Sarri fór með lærisveina sína hjá Chelsea til Huddersfield Town í fyrstu umferðinni og vann sannfærandi sigur fór Emery með pilta sína og atti kappi við ríkjandi meistara, Manchester City, og tapaði. Þessir nýliðar í deildinni leiddu saman hesta sína á Stamford Bridge á laugardaginn og úr varð fjörugur leikur þar sem Sarri hafði vinninginn. Munaði þar ansi miklu um að Sarri gat leyft sér þann munað að geyma Eden Hazard á varamannabekknum framan af leik og spilað honum út sem trompi þegar leið á leikinn. Hazard hafði ekki verið lengi inni á vellinum þegar hann lagði upp sigurmarkið sem Marcus Alonso skoraði. Eftir stendur að Chelsea er með fullt hús stiga á meðan Arsenal er enn að reyna að ná sínu fyrsta stigi í deildinni undir stjórn Emery. Eins og áður segir verður að virða Emery það til vorkunnar að próf hans í frumrauninni var mun þyngra og það var lítið sem skildi liðin að í þessum leik. Matteo Guendouzi, franski miðvallarleikmaðurinn, var mun öflugri í þessum leik en gegn Manchester City og ýmis fleiri jákvæð teikn eru á lofti hjá Arsenal. Hjá Chelsea hefur Jorginho aðstoðað Sarri við að innleiða leikstíl sinn hjá liðinu og flýtt því ferli að liðið geti með góðu móti skipt frá varnarsinnuðum leik undir stjórn Antonio Conte í leik þar sem rík áhersla er lögð á flæði í sóknarleiknum. Harry Kane rauf álög sín hvað það varðar að koma boltanum í net andstæðinga sinna í ágústmánuði þegar hann skoraði eitt marka Tottenham Hotspur í 3-1-sigri liðsins gegn Fulham. Tottenham Hotspur sem voru töluvert gagnrýndir fyrir að kaupa engan leikmann í félagaskiptaglugganum láta engan bilbug á sér finna enn sem komið er og hafa borið sigurorð í báðum leikjum sínum í deildinni til þessa. Fulham sem er nýliði í deildinni kostaði aftur á móti miklu til í leikmannakaupum sínum í sumar og var það félag sem eyddi mestu í þeim glugga er hins vegar án stiga eftir tvo leiki.Gylfi blómstrar í nýju hlutverki Gylfi Þór Sigurðsson átti afbragðs leik fyrir Everton sem vann nokkuð sannfærandi sigur gegn Southampton. Gylfi Þór nýtur sín afar vel í því hlutverki sem Marco Silva virðist ætla að fela honum í vetur, það er að leika fyrir aftan Cenk Tosun, framherja liðsins, og skapa færi fyrir Richarlison, Theo Walcott og aðra þá eldibranda sem koma inn á kantinn hjá liðinu. Gylfi Þór skapaði að vanda mikinn usla með föstum leikatriðum sínum og svo virðist sem Silva hafi lagt ríka áherslu á þann þátt leiksins á undirbúningstímabilinu í sumar. Það var eftir eitt slíkt sem Everton komst á bragðið í leiknum, en þar léku Leigton Baines, Morgan Schneiderlin og Theo Walcott laglega fléttu sem Walcott rak smiðshöggið á. Jóhann Berg Guðmundsson lagði upp mark Burnley sem tapaði fyrir Watfrod með þremur mörkum gegn einu. Það verður líklega þungt yfir æfingu Manchester United í dag, en liðið tapaði fyrir Brighton með þremur mörkum gegn tveimur. José Mourinho mun líklega benda forráðamönnum liðsins á að hann hafi haft á réttu að standa þegar hann ræddi um mikilvægi þess að styrkja hjarta varnarinnar framan af degi og svo leita leiða til þess að lappa upp á samband hans við Paul Pogba síðdegis, en svo virðist sem afar stirt sé á milli þeirra félaganna. „Fjölmiðlar og álitsgjafar eru vanalega mjög iðnir við kolann í gagnrýni sinni á mig þegar ég gagnrýni frammistöðu einstakra leikmanna minna svo ég vil biðja þig vinsamlegast um að leiða mig ekki í þá átt. Ég ætla ekki að tala á neikvæðan hátt um leikmenn mína hér, en segi bara að við gerðum of mörg mistök og okkur var refsað fyrir þau. Stundum sleppur þú með skrekkinn eftir að hafa gert mistök, en það var ekki uppi á teningnum í þessum leik. Við fengum á okkur mark í öll þau skipti sem leikmönnum varð á í messunni. Við misstum svo niður sjálfsöryggið með hverjum mistökunum sem við gerðum og það sást á spilamennsku leikmanna þegar leið á leikinn,“ sagði Mourinho í samtali við enska fjölmiðla eftir leikinn. Öllu léttara verður yfir í bláa enda Manchester-borgar, en Manchester City rótburstaði Huddersfield Town, en þar lék Sergio Agüero og skoraði þrjú marka liðsins í 6-1-sigri. Ríkjandi meistarar ætla greinilega ekkert að slá af í titilvörn sinni. Þeir eru strax komnir á topp deildarinnar, en liðið hefur bestu markatöluna af þeim liðum sem hafa fullt hús stiga. Umferðinni lýkur í kvöld með leik Liverpool og Crystal Palace á Selhurst Park, en bæði lið báru sigurorð af mótherjum sínum í leikjunum í fyrstu umferðinni. Liverpool vann sannfærandi sigur á West Ham United á meðan Crystal Palace lagði liðsfélaga Arons Einars Gunnarssonar hjá Cardiff City að velli.
Birtist í Fréttablaðinu Fótbolti Mest lesið Bakgarðshlaupið í beinni útsendingu Sport Féllu á meðan þjálfarinn sem þeir ráku hélt Blackburn uppi Enski boltinn „Ég sakna hennar á hverjum degi“ Handbolti Fengu myndsímtal frá Ed Sheeran í búningsklefanum Enski boltinn Hetja Keflvíkinga hafði aldrei áður skorað svona flautukörfu á ferlinum Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti Sú markahæsta með tár á hvarmi er hún tilkynnti brotthvarf sitt frá Chelsea Enski boltinn NBA meistararnir réðu ekki við hinn magnaða Anthony Edwards Körfubolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti Fleiri fréttir Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Sjá meira