Aron Einar grét fyrir stóru stundina Kolbeinn Tumi Daðason í Kabardinka skrifar 19. júní 2018 13:30 Aron Einar Gunnarsson rúllaði þessum vini sínum út á iðagrænt grasið á Spartak-leikvanginum í einum athyglisverðasta leiknum á HM í Rússlandi. Vísir/Vilhelm Aron Einar Gunnarsson landsliðsfyrirliði spilaði 75 mínútur gegn Argentínu. Þetta var hans fyrsti leikur síðan í b-deildinni á Englandi með Cardiff í lok apríl. Aron sjálfur og þjóðin voru lengi í vafa um hvort hann yrði klár í leikinn. Hann átti flottan leik eins og allt íslenska liðið. „Það var sérstök stund fyrir sjálfan mig að ná þessum Argentínuleik. Ég tók smá stund fyrir sjálfan mig fyrir leik, þurrkaði tárin og drullaði mér svo út á völl,“ sagði Aron í viðtail í Akraborginni á X-inu 977. Aron tók því rólega á opinni æfingu landsliðsins laugardaginn 10. júní. Eftir það sá enginn hann æfa en Heimir Hallgrímsson sagði alltaf að Aron yrði klár og myndi spila. „Þetta er búið að vera mikil vinna síðustu fimm vikur. Virkilega góð tilfinning að ná þessu eftir allt sem hefur gengið á. Er ég að fara að ná HM eða ekki? Mann hefur alltaf dreymt um að spila á HM.“Landsliðsfyrirliðarnir eigast við á Spartak-leikvanginum á laugardaginn.Vísir/VilhelmViss um að spila við lendingu Aron var sérstaklega ánægður með fyrri hálfleikinn gegn Argentínu en fannst liðið falla of langt niður á völlinn í síðari hálfleik. Hver sókn Argentínu á fætur annarri dundi á okkar mönnum. „Þetta minnti mann smá á Austurríkisleikinn, hvers langt niður við droppuðum,“ segir Aron og á við 2-1 sigur Íslands í París á EM fyrir tveimur árum. Austurríkismenn þurftu mark og Íslendingar voru í nauðvörn. En úr skyndisókn kom sigurmark Íslands og sæti í 16-liða úrslitunum var gulltryggt. Aron segist hafa verið fullviss um að hann næði leiknum þegar flugvél landsliðsins lenti í Rússlandi þann 9. júní, sléttri viku fyrir leik. „Þá leið mér betur, búinn að vinna mikið með sjúkraþjálfurunum og gekk bara vel. Svo þegar við vorum komnir hingað, ég tók þessa rólegu æfingu eftir flugið, þá leið mér eins og ég væri mættur. Fékk second wind sem keyrði mig í leikinn,“ segir Aron. Fimm vikna endurhæfing að baki sem virðist hafa verið lögð hárrétt upp. „Þetta var mikil vinna. Þetta var alltaf að fara að vera blóð, sviti og tár en ég var staðráðinn í að ná þessu. Bara sett full steam ahead,“ segir fyrirliðinn. Hausinn og adrenalínið á Spartak-leikvanginum hafi komið honum í gegnum Argentínuleikinn.Aron og Messi fara yfir málin með pólska dómaranum fyrir leik. Aron lét það alveg vera að biðja um treyju Messi eftir leik, sú fór til Birkis Bjarnasonar.Vísir/VilhelmAftur stærsti leikur sögunnar Þjóðinni líður eins og Ísland hafi unnið frækinn sigur á Argentínu þótt niðurstaðan hafi verið að stigununum var skipt jafnt á milli liðanna. Eitt stig, ekki þrjú. Aron Einar segir liðið komið niður á jörðina. „Já, það var gert strax eftir leik. Við áttum okkur á því. Þetta var gott stig og setur klárlega standardinn,“ segir Aron Einar. Líkt og eftir fyrsta leikinn á EM fyrir tveimur árum þegar liðið gerði 1-1 jafntefli við Portúgal í fyrsta leik, lið sem átti eftir að fara alla leið í keppninni. Strákarnir fá góða pásu milli fyrsta og annars leiks sem verður gegn Nígeríu í Volgograd á föstudaginn. „Núna er bara annar stærsti leikur sögunnar gegn Nígeríu. Við þurfum að gíra okkur upp í hann,“ segir Aron Einar.Landsliðsfyrirliðinn Aron Einar Gunnarsson í meðferð á æfingasvæðinu í Kabardinka daginn eftir Argentínuleikinn.Vísir/VilhelmÆtlar að fjölga mínútunum „Það verður annar erfiður leikur. Þeir koma til okkar með núll punkta og vilja klárlega sækja þessi þrjú stig. Þurfum að vera á tánum mæta þeim af krafti því þeir koma pottþétt í leikinn með krafti og ætla að rúlla yfir okkur. Við þurfum að standa þéttir og með kassann út.“ Aron Einar spilaði sem fyrr segir 75 mínútur en planið sé að ná enn fleiri mínútum gegn Nígeríu. „Við vorum ekki með neinn x-fjölda mínútna. Heimir nikkaði á mig á 70. mínútu, var farinn að sjá að ég var orðinn svolítið þreyttur. Ég ákvað að gefa honum auka fimm mínútur svo varamaðurinn sem var að koma inn á gæti hitað aðeins lengur. Að ná 75 mínútum var framar vonum.“Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram. HM 2018 í Rússlandi Mest lesið „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Hundraðasti sigur Arteta kom gegn erkifjendunum: „Stoltur af leikmönnunum“ Enski boltinn „Röng ákvörðun af minni hálfu og ég tek fulla ábyrgð“ Íslenski boltinn Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn „Hver karfa skiptir máli þannig að ég varð smá reiður“ Körfubolti Uppgjör: Víkingur - KA 4-2 | Ekkert fær meistarana stöðvað Íslenski boltinn „Ekki boðlegt á þessu getustigi“ Enski boltinn Fowler hjálpaði Man City að styrkja stöðu sína á toppnum Enski boltinn Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Handbolti Fleiri fréttir Hundraðasti sigur Arteta kom gegn erkifjendunum: „Stoltur af leikmönnunum“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ „Ekki boðlegt á þessu getustigi“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Fowler hjálpaði Man City að styrkja stöðu sína á toppnum Lærisveinar Freys lifa í voninni „Veit ekki af hverju ég ætti að vera að láta mig detta“ Abraham bjargaði stigi sem gæti skipt Rómverja sköpum Uppgjör: Víkingur - KA 4-2 | Ekkert fær meistarana stöðvað Þrenna Orra Steins hélt titilvonum FCK á lífi Meistarar Man City halda í við topplið Arsenal Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Lyon í úrslit Meistaradeildar Evrópu Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Arnór Ingvi skoraði það sem reyndist sigurmarkið Bournemouth fór illa með Brighton Arsenal vann kaflaskiptan Norður-Lundúnaslag Tuchel sár vegna ummæla Hoeness Dúndurbyrjun hjá Gísla og félögum Hákon og félagar upp í þriðja sætið Meistararnir snöggir að nýta sér liðsmuninn „Alveg ljóst að fínni blæbrigði knattspyrnurnnar þurfa að víkja“ Segir að VAR skaði ímynd enska boltans Spila loks vestur í bæ: „Held það verði fullt í Frostaskjólinu frá hádegi“ Sjáðu ótrúlegan vítadóm í Keflavík og fernu Söndru Maríu Stendur með Salah og skilur pirring hans Sjá meira
Aron Einar Gunnarsson landsliðsfyrirliði spilaði 75 mínútur gegn Argentínu. Þetta var hans fyrsti leikur síðan í b-deildinni á Englandi með Cardiff í lok apríl. Aron sjálfur og þjóðin voru lengi í vafa um hvort hann yrði klár í leikinn. Hann átti flottan leik eins og allt íslenska liðið. „Það var sérstök stund fyrir sjálfan mig að ná þessum Argentínuleik. Ég tók smá stund fyrir sjálfan mig fyrir leik, þurrkaði tárin og drullaði mér svo út á völl,“ sagði Aron í viðtail í Akraborginni á X-inu 977. Aron tók því rólega á opinni æfingu landsliðsins laugardaginn 10. júní. Eftir það sá enginn hann æfa en Heimir Hallgrímsson sagði alltaf að Aron yrði klár og myndi spila. „Þetta er búið að vera mikil vinna síðustu fimm vikur. Virkilega góð tilfinning að ná þessu eftir allt sem hefur gengið á. Er ég að fara að ná HM eða ekki? Mann hefur alltaf dreymt um að spila á HM.“Landsliðsfyrirliðarnir eigast við á Spartak-leikvanginum á laugardaginn.Vísir/VilhelmViss um að spila við lendingu Aron var sérstaklega ánægður með fyrri hálfleikinn gegn Argentínu en fannst liðið falla of langt niður á völlinn í síðari hálfleik. Hver sókn Argentínu á fætur annarri dundi á okkar mönnum. „Þetta minnti mann smá á Austurríkisleikinn, hvers langt niður við droppuðum,“ segir Aron og á við 2-1 sigur Íslands í París á EM fyrir tveimur árum. Austurríkismenn þurftu mark og Íslendingar voru í nauðvörn. En úr skyndisókn kom sigurmark Íslands og sæti í 16-liða úrslitunum var gulltryggt. Aron segist hafa verið fullviss um að hann næði leiknum þegar flugvél landsliðsins lenti í Rússlandi þann 9. júní, sléttri viku fyrir leik. „Þá leið mér betur, búinn að vinna mikið með sjúkraþjálfurunum og gekk bara vel. Svo þegar við vorum komnir hingað, ég tók þessa rólegu æfingu eftir flugið, þá leið mér eins og ég væri mættur. Fékk second wind sem keyrði mig í leikinn,“ segir Aron. Fimm vikna endurhæfing að baki sem virðist hafa verið lögð hárrétt upp. „Þetta var mikil vinna. Þetta var alltaf að fara að vera blóð, sviti og tár en ég var staðráðinn í að ná þessu. Bara sett full steam ahead,“ segir fyrirliðinn. Hausinn og adrenalínið á Spartak-leikvanginum hafi komið honum í gegnum Argentínuleikinn.Aron og Messi fara yfir málin með pólska dómaranum fyrir leik. Aron lét það alveg vera að biðja um treyju Messi eftir leik, sú fór til Birkis Bjarnasonar.Vísir/VilhelmAftur stærsti leikur sögunnar Þjóðinni líður eins og Ísland hafi unnið frækinn sigur á Argentínu þótt niðurstaðan hafi verið að stigununum var skipt jafnt á milli liðanna. Eitt stig, ekki þrjú. Aron Einar segir liðið komið niður á jörðina. „Já, það var gert strax eftir leik. Við áttum okkur á því. Þetta var gott stig og setur klárlega standardinn,“ segir Aron Einar. Líkt og eftir fyrsta leikinn á EM fyrir tveimur árum þegar liðið gerði 1-1 jafntefli við Portúgal í fyrsta leik, lið sem átti eftir að fara alla leið í keppninni. Strákarnir fá góða pásu milli fyrsta og annars leiks sem verður gegn Nígeríu í Volgograd á föstudaginn. „Núna er bara annar stærsti leikur sögunnar gegn Nígeríu. Við þurfum að gíra okkur upp í hann,“ segir Aron Einar.Landsliðsfyrirliðinn Aron Einar Gunnarsson í meðferð á æfingasvæðinu í Kabardinka daginn eftir Argentínuleikinn.Vísir/VilhelmÆtlar að fjölga mínútunum „Það verður annar erfiður leikur. Þeir koma til okkar með núll punkta og vilja klárlega sækja þessi þrjú stig. Þurfum að vera á tánum mæta þeim af krafti því þeir koma pottþétt í leikinn með krafti og ætla að rúlla yfir okkur. Við þurfum að standa þéttir og með kassann út.“ Aron Einar spilaði sem fyrr segir 75 mínútur en planið sé að ná enn fleiri mínútum gegn Nígeríu. „Við vorum ekki með neinn x-fjölda mínútna. Heimir nikkaði á mig á 70. mínútu, var farinn að sjá að ég var orðinn svolítið þreyttur. Ég ákvað að gefa honum auka fimm mínútur svo varamaðurinn sem var að koma inn á gæti hitað aðeins lengur. Að ná 75 mínútum var framar vonum.“Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram.
HM 2018 í Rússlandi Mest lesið „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Hundraðasti sigur Arteta kom gegn erkifjendunum: „Stoltur af leikmönnunum“ Enski boltinn „Röng ákvörðun af minni hálfu og ég tek fulla ábyrgð“ Íslenski boltinn Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn „Hver karfa skiptir máli þannig að ég varð smá reiður“ Körfubolti Uppgjör: Víkingur - KA 4-2 | Ekkert fær meistarana stöðvað Íslenski boltinn „Ekki boðlegt á þessu getustigi“ Enski boltinn Fowler hjálpaði Man City að styrkja stöðu sína á toppnum Enski boltinn Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Handbolti Fleiri fréttir Hundraðasti sigur Arteta kom gegn erkifjendunum: „Stoltur af leikmönnunum“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ „Ekki boðlegt á þessu getustigi“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Fowler hjálpaði Man City að styrkja stöðu sína á toppnum Lærisveinar Freys lifa í voninni „Veit ekki af hverju ég ætti að vera að láta mig detta“ Abraham bjargaði stigi sem gæti skipt Rómverja sköpum Uppgjör: Víkingur - KA 4-2 | Ekkert fær meistarana stöðvað Þrenna Orra Steins hélt titilvonum FCK á lífi Meistarar Man City halda í við topplið Arsenal Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Lyon í úrslit Meistaradeildar Evrópu Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Arnór Ingvi skoraði það sem reyndist sigurmarkið Bournemouth fór illa með Brighton Arsenal vann kaflaskiptan Norður-Lundúnaslag Tuchel sár vegna ummæla Hoeness Dúndurbyrjun hjá Gísla og félögum Hákon og félagar upp í þriðja sætið Meistararnir snöggir að nýta sér liðsmuninn „Alveg ljóst að fínni blæbrigði knattspyrnurnnar þurfa að víkja“ Segir að VAR skaði ímynd enska boltans Spila loks vestur í bæ: „Held það verði fullt í Frostaskjólinu frá hádegi“ Sjáðu ótrúlegan vítadóm í Keflavík og fernu Söndru Maríu Stendur með Salah og skilur pirring hans Sjá meira
Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn
Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn