736 leikmenn verða á HM og hér má lesa það helsta um þá alla

Heimsmeistarakeppnin í fótbolta hefst í Rússlandi eftir átta daga en strákarnir okkar hefja leik í Moskvu á móti Argentínu eftir tíu daga.

Upphafsleikur mótsins fer einnig fram í Moskvu en þá mætast gestgjafar Rússa og Sádi-Arabía. Ekki beint mest spennandi leikur mótsins en í báðum liðum er mikið af leikmönnum sem hinn almenni áhugamaður þekkir ekki.

En óttist ei. The Guardian hefur birt magnaða umfjöllun um öll liðin og alla 736 leikmennina á HM og má nú nálgast það helsta um allt og alla á einum stað.

Með því að smella hér má sjá helstu upplýsingar um öll 32 liðin sem keppa í Rússlandi og alla 736 leikmennina. Síða sem gott er að grípa til þegar að maður spyr sig hvaða leikmaður þetta er við sjónvarpsglápið í júní.

Að sjálfsögðu má lesa allt um strákana okkar fyrir þá sem eru ekki með allt á hreinu um þá en óhætta er að mæla með þessari stórkostlegu umfjöllun The Guardian.