Myndasyrpa: Tap strákanna á troðfullum leikvangi í New Jersey

Undirbúningur Íslands fyrir HM í Rússlandi er í fullum gangi en strákarnir léku sína fyrstu alvöru vináttulandsleiki á árinu á síðustu dögum, fyrst gegn Mexíkó í San Francisco og svo gegn Perú í New Jersey í nótt.

Skemmst er frá því að segja að okkar menn töpuðu báðum leikjum en skoruðu þó gegn Perú í nótt. Leiknum lauk með 3-1 sigri þeirra rauðklæddu en marga lykilmenn vantaði í íslenska liðið.

Landsliðið kemur ekki næst saman fyrr en í maí þegar lokaundirbúningur liðsins hefst fyrir en Ísland spilar við Gana og Noreg á Laugardalsvelli áður en HM byrjar svo í Rússlandi um miðjan júní.

Sigurjón Guðjónsson ljósmyndari var á Red Bull Arena í New Jersey í nótt og tók þessar myndir sem má sjá hér fyrir neðan.