Conor í stórskemmtilegri auglýsingu fyrir Burger King

Írski strigakjafturinn Conor McGregor hefur nóg fyrir stafni þó svo hann sé ekki að berjast neitt þessa dagana.

Í gær fór í loftið ný auglýsing með Íranum þar sem hann auglýsir nýja kjúklingasamloku fyrir Burger King. Vel við hæfi þar sem andstæðingar hans hjá UFC gera mikið í því að kalla hann kjúkling en sjálfur titlar hann sig sem kóng.

Auglýsingin er að sjálfsögðu tekin upp í einkaþotu þar sem Conor hámar í sig og rífur kjaft.

Að lokum þakkar hann öllum fyrir sem séu að rífa kjaft við sig. Það skili svo mikilli athygli og auglýsingum að hann greiði auðveldlega fyrir háskólanám sonarins.

Sjá má írska kónginn og hamborgarakónginn hér að neðan.