Lazio í þriðja sætið │Emil og félagar töpuðu

Emill Hallfreðsson sat allan leikinn á varamannabekk Udinese í tapi gegn Sampdoria í dag en leikurinn endaði 2-1.

Lazio komst aftur upp í 3. sæti deildarinnar, upp fyrir Inter,  eftir 3-0 sigur á Sassuolo. Sergej Milinkovic-Savic skoraði tvö mörk fyrir Lazio á meðan Ciro Immobile skoraði eitt mark af vítapunktinum.

Fiorintina vann 1-0 sigur á Chievo Verona og Hellas Verona fór með sigur af hólmi gegn Torino.

Stórliðin Juventus, Roma og AC Milan eiga öll eftir að spila í dag en klukkan 17:00 hefst leikur Juventus og Atlanta og klukkan 19:45 hefst leikur Roma og AC Milan.