Framundan 2018: HM í Rússlandi, kosningar í Bandaríkjunum og öld frá lokum fyrra stríðs Atli Ísleifsson skrifar 7. janúar 2018 10:00 Vladimír Pútín, Donald Trump, Angela Merkel og Zabivaka, lukkudýr HM í Rússlandi, verða öll í fréttum á árinu. Forsetakosningar fara fram í Rússlandi, þingkosningar í Bandaríkjunum, Brexit-viðræðurnar halda áfram og stórviðburðir á sviði íþrótta eru á meðal þeirra mála sem munu einkenna árið 2018. Allt eru þetta atburðir sem má búa sig undir. Vísir hefur tekið saman brot af því markverðasta sem verður á dagskrá á erlendum vettvangi á árinu 2018 sem er nú gengið í garð.JanúarBrexit-viðræður verða að öllum líkindum mjög áberandi á árinu enda ætlar Bretar sér að segja formlega skilið við Evrópusambandið þann 29. mars 2019. Önnur lota Brexit-viðræðnanna hefst í janúar.Forsetakosningar í Tékklandi fara fram 12. og 13. janúar. Miloš Zeman forseti sækist þar eftir endurkjöri.Stjórnarmyndun í Þýskalandi verður fram haldið í upphafi árs. Kristilegir demókratar, með Angelu Merkel kanslara í broddi fylkingar, og Jafnaðarmenn munu þar reyna að ná saman um áframhaldandi stjórn flokkanna. Þingkosningar fóru fram í Þýskalandi í september síðastliðinn og hefur illa gengið að mynda stjórn.Brexit-viðræðurnar verða áberandi í fréttum á árinu,Vísir/AFPÞann 20. janúar mun Donald Trump hafa setið heilt ár í embætti forseta Bandaríkjanna. Óhætt er að segja að á ýmsu hefur gengið þetta fyrsta ár.Kjarnorkusamningurinn við Íran. Um miðjan janúarmánuð ætti að verða ljóst hvernig Donald Trump Bandaríkjaforseti hyggst beita sér varðandi framhald kjarnorkusamningsins við Íran. Neiti Trump að undirrita undanþágu frá viðskiptaþvingunum Bandaríkjanna gegn Íran má líta á sem svo að Bandaríkin hafi sagt upp samningnum. Aðrir samningsaðilar – Kínvarjar, Rússar, Bretar, Frakkar og Þjóðverjar – munu þá þurfa að taka afstöðu til framhald samningsins.Forsetakosningar í Finnlandi fara fram 28. janúar. Seinni umferð kosninganna fer fram 11. febrúar ef þörf krefur. Sauli Niinistö forseti sækist eftir endurkjöri og benda kannanir til að hann muni vinna öruggan sigur.Saleh Abdeslam.Vísir/AFPFebrúarRéttarhöld í máli Saleh Abdeslam hefjast 5. febrúar. Hann er grunaður um aðild að hryðjuverkaárásunum í París 2015 þar sem 130 manns fórust.Vetrarólympíuleikarnir verða settir í Pyeongchang í Suður-Kóreu þann 9. febrúar. Keppt verður í fimmtán íþróttagreinum. Leikarnir standa til 25. febrúar.Friðaráætlun fyrir Mið-Austurlönd. Búist er við að Jared Kuschner, tengdasonur Donald Trump Bandaríkjaforseta, muni kynna friðaráætlun Bandaríkjastjórnar fyrir Mið-Austurlönd í febrúar.Mars Þingkosningar á Ítalíu fara fram 4. mars. Kosið verður um sæti í báðum deildum Ítalíuþings. Matteo Renzi, fyrrverandi forsætisráðherra, stefnir þar á endurkomu eftir að hafa sagt af sér í desember 2016.Forsetakosningar í Rússlandi. Rússar munu kjósa sér nýjan forseta þann 18. mars. Fastlega er búist við að Vladimír Pútín forseti muni þar vinna öruggan sigur og sitja enn eitt kjörtímabilið.Vladimír Pútín sækist eftir endurkjöri í rússnesku forsetakosningunum.Vísir/AFPAprílÞingkosningar í Ungverjalandi fara fram í apríl eða maí, en enn á eftir að ákveða kjördag. Augu Evrópu munu þá beinast að landinu og hvort að Viktor Orbán forsætisráðherra og Fidesz-flokkur hans muni þar vinna sigur.Katrín á von á barni. Katrín, hertogaynja af Cambridge, og Vilhjálmur Bretaprins eiga von á sínu þriðja barni í apríl. Bandaríkjamenn munu minnast þess þann 4. apríl að fimmtíu ár séu liðin frá morðinu á baráttumanninum Martin Luther King.MaíSveitarstjórnarkosningar í Bretlandi fara fram 3. maí.Geimfarinu InSight verður skotið á loft þann 5. maí en ferð þess er heitið til reikistjörnunnar Mars. Bandaríska geimvísindastofnunin NASA vonast til að með rannsóknum með geimfarinu verði hægt að teikna upp betri mynd af innviðum reikistjörnunnar. Reiknað er með að geimfarið lendi á Mars í nóvember.Þingkosningar í Írak eru fyrirhugaðar þann 12. maí. Nýtt þing mun svo velja nýjan forseta og forsætisráðherra landsins.Konungslegt brúðkaup Harry Bretaprins og bandarísku leikkonunnar Meghan Markle fer fram í Kapellu heilags Georgs þann 19. maí.Reikistjarnan Mars verður í fréttum á árinu.Vísir/GettyJúníHM í knattspyrnu fer fram í Rússlandi dagana 14. júní til 15. júlí. Þetta verður í fyrsta sinn sem Ísland keppir í lokakeppninni og verður fyrsti leikur Íslands á mótinu gegn Lionel Messi og félögum í Argentínu í Moskvu þann 16. júní. Ísland er sömuleiðis með Króatíu og Nígeríu í riðli.JúlíAusturríkismenn taka við formennsku í ráðherraráði Evrópusambandsins af Búlgörum. Aðildarrík ESB skiptast á að fara með formennsku í ráðinu til hálfs árs í senn.Forseta- og þingkosningar í Mexíkó fara fram þann 1. júlí. Ljóst er að nýr forseti mun taka við völdum í landinu en Enrique Peña Nieto forseti getur ekki sóst eftir endurkjöri eftir að hafa setið tvö kjörtímabil.Þingkosningar í Afganistan fara fram þann 7. júlí. Kosningarnar áttu upphaflega að fara fram 15. október síðastliðinn en var frestað.Óvissa í Suður-Súdan. Umboð Salva Kiir til að sitja í stóli forseta Suður-Súdan, og kjörtímabil þingsins, rennur samkvæmt tímabundinni stjórnarskrá landsins út um miðjan júlí. Hætta er á að varasamt tómarúm skapist við stjórn hins stríðshrjáða lands en ekkert bendir til að Suður-Súdanir séu reiðubúnir að ganga til kosninga, enda leiðtogar stjórnarandstöðunnar í útlegð og lítið hefur verið gert til að framfylgja ákvæðum friðarsamningsins frá árinu 2015.Stefan Löfven er forsætisráðherra Svíþjóðar. Þingkosningar fara fram í landinu í september.Vísir/AFPMars í nánd. Þann 27. júlí verður nálægð jarðar og reikistjörnunnar Mars sú minnsta frá árinu 2003.ÁgústFimmtíu ár frá lokum Vorsins í Prag. „Vorið“ var stutt tímabil aukins frjálsræðis í tékkóslóvakískum stjórnmálum. Það hófst 5. janúar 1968 og stóð til 20. ágúst þegar Sovétmenn og bandamenn þeirra gerðu innrás inn í Tékkóslóvakíu.September Þingkosningar í Svíþjóð fara fram þann 9. september. Barátta mun þar standa á milli Stefan Löfven forsætisráðherra og Jafnaðarmannaflokks hans, og hægri flokkanna.OktóberForseta- og þingkosningar í Brasilíu fara fram í október. Þetta verður í fyrsta sinn sem Brasilíumenn kjósa eftir að Michel Temer tók við embætti forseta landsins eftir að Dilma Rousseff var hrakin úr embætti.BepiColombo, ómönnuðu geimfari Evrópsku geimvísindastofnunarinnar og Japönsku geimvísindastofnunarinnar, verður skotið á loft. Ferðinni er heitið til Merkúrs og er áætlaður komutími desember 2025.Brexit-samkomulag? Michael Barnier, aðalsamningamaður ESB í Brexit-viðræðunum, hefur sagt að hann vilji að samkomulag náist fyrir október 2018 þar sem aðildarríkin munu þurfa tíma til að staðfesta samninginn.NóvemberÖld frá lokum fyrra stríðs. Þann 11. nóvember verða hundrað ár frá lokum fyrri heimsstyrjaldar þegar samið var um vopnahlé.Forsetakosningar á Írlandi munu fara fram á árinu, og í síðasta lagi í nóvember. Michael D. Higgins hefur enn ekki tilkynnt hvort hann muni sækjast eftir endurkjöri.Þingkosningar í Bandaríkjunum. Kosið verður um öll 435 sætin í fulltrúadeild Bandaríkjaþings og 33 sæti í öldungadeildinni. Þá verður einnig meðal annars kosið um sæti 39 ríkisstjóra.Desember Fólk á vinnumarkaði má eiga von á óvenjulega mörgum frídögum vegna jólanna þar sem aðfangadagur verður á mánudegi í þetta skiptið. Brasilía Fréttir ársins 2017 Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Maðurinn sem kveikti í sjálfum sér látinn Erlent Fluttir á sjúkrahús eftir hópslagsmál í miðborginni Innlent Þjófunum yfirsást taska með milljónum króna Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Fleiri fréttir Maðurinn sem kveikti í sjálfum sér látinn Íkveikjan ekki talin hafa beinst að Trump eða réttarhöldunum Kveikti í sér fyrir utan dómshúsið þar sem réttað er yfir Trump Fyrstu loftárásir Ísraela í Íran frá 1979 Fengu aðstoð Demókrata við að koma hernaðaraðstoð úr nefnd Hefur mátt sitja undir svívirðingum um sjálfan sig Segjast hafa skotið niður dýrmæta sprengjuflugvél Handtekinn í tengslum við áform um að ráða Selenskí af dögum Ísraelar gera árás á Íran Kennedy-fjölskyldan lýsir yfir stuðningi við Biden Bandaríkin stöðvuðu fulla aðild Palestínumanna að SÞ Hrunið í gömlu kauphöllinni heldur áfram Afsalta sjó til drykkjar í þurrki í Barcelona Eiginmaður Sturgeon ákærður fyrir fjárdrátt Mega koma til að snæða í Grindavík en aðeins í rútu Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Sjá meira
Forsetakosningar fara fram í Rússlandi, þingkosningar í Bandaríkjunum, Brexit-viðræðurnar halda áfram og stórviðburðir á sviði íþrótta eru á meðal þeirra mála sem munu einkenna árið 2018. Allt eru þetta atburðir sem má búa sig undir. Vísir hefur tekið saman brot af því markverðasta sem verður á dagskrá á erlendum vettvangi á árinu 2018 sem er nú gengið í garð.JanúarBrexit-viðræður verða að öllum líkindum mjög áberandi á árinu enda ætlar Bretar sér að segja formlega skilið við Evrópusambandið þann 29. mars 2019. Önnur lota Brexit-viðræðnanna hefst í janúar.Forsetakosningar í Tékklandi fara fram 12. og 13. janúar. Miloš Zeman forseti sækist þar eftir endurkjöri.Stjórnarmyndun í Þýskalandi verður fram haldið í upphafi árs. Kristilegir demókratar, með Angelu Merkel kanslara í broddi fylkingar, og Jafnaðarmenn munu þar reyna að ná saman um áframhaldandi stjórn flokkanna. Þingkosningar fóru fram í Þýskalandi í september síðastliðinn og hefur illa gengið að mynda stjórn.Brexit-viðræðurnar verða áberandi í fréttum á árinu,Vísir/AFPÞann 20. janúar mun Donald Trump hafa setið heilt ár í embætti forseta Bandaríkjanna. Óhætt er að segja að á ýmsu hefur gengið þetta fyrsta ár.Kjarnorkusamningurinn við Íran. Um miðjan janúarmánuð ætti að verða ljóst hvernig Donald Trump Bandaríkjaforseti hyggst beita sér varðandi framhald kjarnorkusamningsins við Íran. Neiti Trump að undirrita undanþágu frá viðskiptaþvingunum Bandaríkjanna gegn Íran má líta á sem svo að Bandaríkin hafi sagt upp samningnum. Aðrir samningsaðilar – Kínvarjar, Rússar, Bretar, Frakkar og Þjóðverjar – munu þá þurfa að taka afstöðu til framhald samningsins.Forsetakosningar í Finnlandi fara fram 28. janúar. Seinni umferð kosninganna fer fram 11. febrúar ef þörf krefur. Sauli Niinistö forseti sækist eftir endurkjöri og benda kannanir til að hann muni vinna öruggan sigur.Saleh Abdeslam.Vísir/AFPFebrúarRéttarhöld í máli Saleh Abdeslam hefjast 5. febrúar. Hann er grunaður um aðild að hryðjuverkaárásunum í París 2015 þar sem 130 manns fórust.Vetrarólympíuleikarnir verða settir í Pyeongchang í Suður-Kóreu þann 9. febrúar. Keppt verður í fimmtán íþróttagreinum. Leikarnir standa til 25. febrúar.Friðaráætlun fyrir Mið-Austurlönd. Búist er við að Jared Kuschner, tengdasonur Donald Trump Bandaríkjaforseta, muni kynna friðaráætlun Bandaríkjastjórnar fyrir Mið-Austurlönd í febrúar.Mars Þingkosningar á Ítalíu fara fram 4. mars. Kosið verður um sæti í báðum deildum Ítalíuþings. Matteo Renzi, fyrrverandi forsætisráðherra, stefnir þar á endurkomu eftir að hafa sagt af sér í desember 2016.Forsetakosningar í Rússlandi. Rússar munu kjósa sér nýjan forseta þann 18. mars. Fastlega er búist við að Vladimír Pútín forseti muni þar vinna öruggan sigur og sitja enn eitt kjörtímabilið.Vladimír Pútín sækist eftir endurkjöri í rússnesku forsetakosningunum.Vísir/AFPAprílÞingkosningar í Ungverjalandi fara fram í apríl eða maí, en enn á eftir að ákveða kjördag. Augu Evrópu munu þá beinast að landinu og hvort að Viktor Orbán forsætisráðherra og Fidesz-flokkur hans muni þar vinna sigur.Katrín á von á barni. Katrín, hertogaynja af Cambridge, og Vilhjálmur Bretaprins eiga von á sínu þriðja barni í apríl. Bandaríkjamenn munu minnast þess þann 4. apríl að fimmtíu ár séu liðin frá morðinu á baráttumanninum Martin Luther King.MaíSveitarstjórnarkosningar í Bretlandi fara fram 3. maí.Geimfarinu InSight verður skotið á loft þann 5. maí en ferð þess er heitið til reikistjörnunnar Mars. Bandaríska geimvísindastofnunin NASA vonast til að með rannsóknum með geimfarinu verði hægt að teikna upp betri mynd af innviðum reikistjörnunnar. Reiknað er með að geimfarið lendi á Mars í nóvember.Þingkosningar í Írak eru fyrirhugaðar þann 12. maí. Nýtt þing mun svo velja nýjan forseta og forsætisráðherra landsins.Konungslegt brúðkaup Harry Bretaprins og bandarísku leikkonunnar Meghan Markle fer fram í Kapellu heilags Georgs þann 19. maí.Reikistjarnan Mars verður í fréttum á árinu.Vísir/GettyJúníHM í knattspyrnu fer fram í Rússlandi dagana 14. júní til 15. júlí. Þetta verður í fyrsta sinn sem Ísland keppir í lokakeppninni og verður fyrsti leikur Íslands á mótinu gegn Lionel Messi og félögum í Argentínu í Moskvu þann 16. júní. Ísland er sömuleiðis með Króatíu og Nígeríu í riðli.JúlíAusturríkismenn taka við formennsku í ráðherraráði Evrópusambandsins af Búlgörum. Aðildarrík ESB skiptast á að fara með formennsku í ráðinu til hálfs árs í senn.Forseta- og þingkosningar í Mexíkó fara fram þann 1. júlí. Ljóst er að nýr forseti mun taka við völdum í landinu en Enrique Peña Nieto forseti getur ekki sóst eftir endurkjöri eftir að hafa setið tvö kjörtímabil.Þingkosningar í Afganistan fara fram þann 7. júlí. Kosningarnar áttu upphaflega að fara fram 15. október síðastliðinn en var frestað.Óvissa í Suður-Súdan. Umboð Salva Kiir til að sitja í stóli forseta Suður-Súdan, og kjörtímabil þingsins, rennur samkvæmt tímabundinni stjórnarskrá landsins út um miðjan júlí. Hætta er á að varasamt tómarúm skapist við stjórn hins stríðshrjáða lands en ekkert bendir til að Suður-Súdanir séu reiðubúnir að ganga til kosninga, enda leiðtogar stjórnarandstöðunnar í útlegð og lítið hefur verið gert til að framfylgja ákvæðum friðarsamningsins frá árinu 2015.Stefan Löfven er forsætisráðherra Svíþjóðar. Þingkosningar fara fram í landinu í september.Vísir/AFPMars í nánd. Þann 27. júlí verður nálægð jarðar og reikistjörnunnar Mars sú minnsta frá árinu 2003.ÁgústFimmtíu ár frá lokum Vorsins í Prag. „Vorið“ var stutt tímabil aukins frjálsræðis í tékkóslóvakískum stjórnmálum. Það hófst 5. janúar 1968 og stóð til 20. ágúst þegar Sovétmenn og bandamenn þeirra gerðu innrás inn í Tékkóslóvakíu.September Þingkosningar í Svíþjóð fara fram þann 9. september. Barátta mun þar standa á milli Stefan Löfven forsætisráðherra og Jafnaðarmannaflokks hans, og hægri flokkanna.OktóberForseta- og þingkosningar í Brasilíu fara fram í október. Þetta verður í fyrsta sinn sem Brasilíumenn kjósa eftir að Michel Temer tók við embætti forseta landsins eftir að Dilma Rousseff var hrakin úr embætti.BepiColombo, ómönnuðu geimfari Evrópsku geimvísindastofnunarinnar og Japönsku geimvísindastofnunarinnar, verður skotið á loft. Ferðinni er heitið til Merkúrs og er áætlaður komutími desember 2025.Brexit-samkomulag? Michael Barnier, aðalsamningamaður ESB í Brexit-viðræðunum, hefur sagt að hann vilji að samkomulag náist fyrir október 2018 þar sem aðildarríkin munu þurfa tíma til að staðfesta samninginn.NóvemberÖld frá lokum fyrra stríðs. Þann 11. nóvember verða hundrað ár frá lokum fyrri heimsstyrjaldar þegar samið var um vopnahlé.Forsetakosningar á Írlandi munu fara fram á árinu, og í síðasta lagi í nóvember. Michael D. Higgins hefur enn ekki tilkynnt hvort hann muni sækjast eftir endurkjöri.Þingkosningar í Bandaríkjunum. Kosið verður um öll 435 sætin í fulltrúadeild Bandaríkjaþings og 33 sæti í öldungadeildinni. Þá verður einnig meðal annars kosið um sæti 39 ríkisstjóra.Desember Fólk á vinnumarkaði má eiga von á óvenjulega mörgum frídögum vegna jólanna þar sem aðfangadagur verður á mánudegi í þetta skiptið.
Brasilía Fréttir ársins 2017 Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Maðurinn sem kveikti í sjálfum sér látinn Erlent Fluttir á sjúkrahús eftir hópslagsmál í miðborginni Innlent Þjófunum yfirsást taska með milljónum króna Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Fleiri fréttir Maðurinn sem kveikti í sjálfum sér látinn Íkveikjan ekki talin hafa beinst að Trump eða réttarhöldunum Kveikti í sér fyrir utan dómshúsið þar sem réttað er yfir Trump Fyrstu loftárásir Ísraela í Íran frá 1979 Fengu aðstoð Demókrata við að koma hernaðaraðstoð úr nefnd Hefur mátt sitja undir svívirðingum um sjálfan sig Segjast hafa skotið niður dýrmæta sprengjuflugvél Handtekinn í tengslum við áform um að ráða Selenskí af dögum Ísraelar gera árás á Íran Kennedy-fjölskyldan lýsir yfir stuðningi við Biden Bandaríkin stöðvuðu fulla aðild Palestínumanna að SÞ Hrunið í gömlu kauphöllinni heldur áfram Afsalta sjó til drykkjar í þurrki í Barcelona Eiginmaður Sturgeon ákærður fyrir fjárdrátt Mega koma til að snæða í Grindavík en aðeins í rútu Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Sjá meira