Stórt tap gegn Tékkum

Íslenska undir 18 ára landsliðið í körfubolta tapaði í dag öðrum leik sínum á EM U18 í Makedóníu. Tékkar höfðu betur gegn íslensku strákunum með 22 stigum.

Ísland tapaði naumlega gegn Makedóníu í fyrsta leik 62-60 en annað var upp á teningnum í dag. Tékkarnir voru einfaldlega númeri of sterkir fyrir strákana og var 16 stiga munur á liðunum í hálfleik.

Þrátt fyrir að hafa klárað leikinn með reisn og spilað ágætlega í síðasta fjórðungnum var holan orðin of djúp og tap niðurstaðan.

Ísland mætir Hollandi í þriðja leik sínum á mótinu á morgun.