Ætlaði að koma sér með skipi til Ameríku

Klukkan rúmlega 19 í gærkvöldi handtók lögregla karlmann í austurborg Reykjavíkur. Maðurinn er grunaður um að hafa ekið á að minnsta kosti tvær bifreiðar og að hafa verið nálægt því að keyra niður gangandi vegfarendur.

Maðurinn var ölvaður og var hann vistaður í fangageymslu þar til víman rennur af honum og hægt er að taka skýrslu af honum.

Klukkan rúmlega eitt í nótt handtók lögregla mann eftir að hann fór inn á lokað hafnarsvæði. Í dagbók lögreglu segir að grunur leiki á að maðurinn hafi ætlað að koma sér um borð í skip á leið til Ameríku.