Ruslakjafturinn umdeildi, Colby Covington, getur farið fram á titilbardaga í veltivigt UFC fljótlega ef hann heldur áfram á sömu braut.
Hann er búinn að vinna fimm bardaga í röð og sigrar gegn hinum sterku Dong Hyun Kim og Demian Maia hafa skotið honum upp styrkleikalista UFC.
Covington er nú kominn upp í þriðja sætið á styrkleikalistanum og fer upp um fjögur sæti á listanum. Það er ekki langt síðan hann komst fyrst inn á lista og flugið á honum mikið.
Demian Maia er að sama skapi fallinn niður í fimmta sætið. Gunnar Nelson er í þrettánda sæti listans rétt eins og hann var síðast er listi var gefinn út.
Covington flýgur upp styrkleikalista UFC
Tengdar fréttir
UFC ekki ánægt með Covington sem móðgaði heila þjóð
Colby Covington er orðinn maðurinn sem fólk elskar að hata hjá UFC enda gengur hann lengra en flestir í móðgunum sínum.
