Skoraði þegar við mættum Nígeríu síðast og kynnti nú nýja stuðningsmannatreyju

Marteinn Geirsson, fyrrverandi fyrirliði íslenska fótboltalandsliðsins, tók sig vel út í nýrri stuðningsmannatreyju landsliðsins en hann var aðalfyrirsætan þegar Henson kynnti nýju treyjuna um mánaðarmótin.

Ísland lenti í riðli með Argentínu, Króatíu og Nígeríu á HM í Rússlandi. Gamli landsliðsfyrirliðinn kom heldur betur við sögu í síðasta landsleik íslenska karlandsliðsins á móti Nígeríu.

Marteinn spilaði 67 landsleiki á árunum 1971 til 1982 og skoraði í þeim átta mörk. Hann var fyrirliði liðsins frá 1980 til 1982.

Marteinn kom mikið við sögu þegar Ísland og Nígería mættust í fyrsta og eina skiptið 22. ágúst 1981. Marteinn var fyrirliði íslenska liðsins í leiknum og innsiglaði sigurinn sautján mínútum fyrir leikslok.  

Marteinn lék líka verja frá sér vítaspyrnu í leiknum en fékk annað tækifæri á 73. mínútu og skoraði þá örygglega.

„Við vitum allt um Króatíu sem elta okkur í öll mót. Nígería er með mjög sterkt lið og svo þekkjum við Argentínu. Þetta verður bara mjög erfitt en skemmtilegt,“ sagði Marteinn Geirsson í viðtali þegar stuðningsmannatreyja Henson var kynnt á Hlíðarenda.

Hér fyrir neðan má sjá myndband frá því þegar Marteinn og Henson kynntu treyjuna sem gæti nú ratað í einhverja jólapakka seinna í þessum mánuði.