Besti svitalyktareyðir í heimi úr matarsóda

„Við munum skoða stórkostlegan mátt matarins,“ segir Vala Matt spurð út í hvað hún muni bjóða upp á í innslagi sínu í Íslandi í dag í kvöld.

„Sjúkraþjálfarinn og bókahöfundurinn Lukka Pálsdóttir í Happi mun segja okkur í kvöld frá því hvernig við getum á mjög auðveldan hátt haldið okkur í kjörþyngd. Og svo kennir hún okkur að búa til dásamlegan súkkulaði-tedrykk sem hefur ótrúlega róandi áhrif. Einnig skoðum við hvernig má nota mat á ýmsan óvenjulegan máta. Albert Eiríksson og Bergþór Pálsson sýna okkur hvernig hægt er að búa til besta svitalyktareyði í heimi með matarsóda og sjónvarpskokkurinn flotti Ebba Guðný Guðmundsdóttir sýnir okkur til dæmis hvernig við getum hvíttað tennurnar á ansi óvenjulegan en náttúrulegan hátt,“ segir Vala.