Þriðji sigur HK í röð í Inkasso- deildinni

HK sigraði Leikni F. 1-0 í eina leik dagsins í Inkasso deildinni.

HK-ingar sátu fyrir leikinn í 8. sæti með 18 stig en Leiknismenn voru í neðsta sætinu í deildinni með 7 stig.

Ekkert var skorað í fyrri hálfleiknum en HK-ingar voru mun betri í leiknum.

Það var svo á 69. mínútu þegar að Ásgeir Marteinsson skoraði eina mark leiksins og kom HK yfir.

Fleiri voru mörkin ekki þrátt fyrir góð færi og flottur sigur HK staðreynd og þeir koma sér með sigrinum í 7. sætið með 21 stig.

Upplýsingar um markaskorara og annað úr leiknum fengust af www.fotbolti.net