Misstu af EM 2013 vegna meiðsla: Þetta verður mótið okkar Söndru Maríu Kolbeinn Tumi Daðason í Ermelo skrifar 18. júlí 2017 13:00 Katrín (til hægri) á æfingu með stelpunum okkar á keppnisleikvanginum í Tilburg í gær. Vísir/Vilhelm „Þetta er búið að vera sturlað. Frábær stuðningur sem við erum búnar að fá þessa síðustu sólarhringa. Þessi kveðja í flugstöðinni er hvað eftirminnilegust og maður mun seint gleyma því, líklega aldrei,“ segir Katrín Ásbjörnsdóttir.Blaðamaður settist niður með Katrínu, tíu marka konu í Pepsi-deild kvenna í sumar, á hóteli kvennalandsliðsins í Ermelo á sunnudaginn.Ferðalagið til Frakklands er stelpunum ofarlega í huga. Þær voru kvaddar með stæl í flugstöð Leifs Eiríkssonar og flugu utan á Saga Class.„Að koma upp í flugvél var alveg geggjað, og að sitja á Saga Class í fyrsta skipti,“ segir framherjinn úr vesturbæ Reykjavíkur. Það hafi verið sérstakt að beygja til vinstri en ekki til hægri þegar þær komu inn í flugvélina.„Það var alveg geggjað, geðveikt pláss og maður var eins og í hægindastól heima í stofu.“„Og svo að koma hingað á hótelið. Það var búið að græja herbergin, glaðningur á rúmunum og við erum í skýjunum. Hótelið er flottur og maturinn flottur.Katrín og Sandra María á leiðinni utan til Hollands á föstudaginn, á Saga Class.Instagram @katrinasbjornsKósý með Söndru MaríuKatrín deilir herbergi með Söndru Maríu Jessen, leikmanni Þórs/KA. Katrín og Sandra spiluðu saman í Íslandsmeistaraliði Þórs/KA sumarið 2012 en Katrín er reyndar að upplagi KR-ingur.„Ég kom norður 2012 og við unnum þá titilinn. Þá kynntist ég Söndru svolítið, en þá var hún rosalega ung,“ segir Katrín. Sandra er fædd árið 1995. „En hún er bara þremur árum yngri en ég og við erum orðnar mjög góðar vinkonur eftir að hafa verið saman fyrir norðan.“Katrín segir þær nokkuð svipaðar týpur en þetta sé þó í fyrsta skipti sem þær séu saman í herbergi„Þetta lofar góðu. Við eigum margt sameiginlegt, horfum á þætti saman og höfum kósý stemningu.“Katrín og Sandra voru vonarstjörnur Íslands í aðdraganda EM fyrir fjórum árum. Þær meiddust hins vegar báðar og misstu af mótinu.„Við höfum rætt það hvað þetta mót verði okkar mót einhvern veginn. Við höfum unnið báðar mikið hjá okkar félagsliðum þótt við höfum lent í hinu og þessu. Við höfum staðið okkur vel og hættum ekkert. Við erum engir „quit-arar“ ef ég má sletta. Við styðjum hvor aðra áfram í þessu, hjálpumst að.“Að neðan má sjá innslag frá árinu 2012 þegar Katrín var að raða inn mörkum með Þór/KA í miðjum stúdentsprófum í MR.Finnur til með systrunumMeðal leikmanna sem eru ekki á EM í sumar vegna meiðsla eru Eyjakonurnar og systurnar Elísa og Margrét Lára Viðarsdætur. Sömu sögu er að segja um Dóru Maríu Lárusdóttir. „Ég hef sem betur fer aldrei slitið krossband og vonandi kemur aldrei að því. Ég get ekki ímyndað mér hvernig þeim leið. Lengstu meiðsli sem ég hef lent í eru fjórir mánuðir svo ég get lítið kvartað,“ segir Katrín. Hennar meiðsli hafi verið illa tímasett þótt meiðsli komi svo sem aldrei á góðum tíma.„Ég fann rosalega mikið til með þeim og þetta var mjög sárt. En það kemur maður í manns stað og við verðum að gera úr því sem við höfum. Við höfum verið að gera vel, æfingar og síðustu leikir hafa gengið vel svo ég hef litlar áhyggjur.“Katrín Ásbjörnsdóttir hefur skorað tíu mörk með Stjörnunni í Pepsi-deild kvenna í sumar. Hún á þrettán landsleiki að baki og hefur skorað einu sinni.Vísir/TOMTilbúin í alltKatrín spilaði hálft tímabil með Klepp í Noregi en hefur annars spilað allan sinn feril heima á Íslandi.„Auðvitað held ég öllu opnu og get ekkert ákveðið núna fyrr en eftir tímabilið. Ég er opin fyrir öllu og skoða allt ef það kemur. Ég veit að EM er stór gluggi. Það verður bara að koma að því. Ég ætla að klára tímabilið með Stjörnunni, er mjög ánægð þar eins og er. En ég er mjög tilbúin að prufa aftur að fara út, ég segi ekki nei við því.“Hún segir tímann í Noregi hafa verið lærdómsríkan og gefið henni reynslu. Hún hefði þó þegið meiri áskorun enda alltaf með fast sæti í byrjunarliðinu.En reiknar hún með að byrja gegn Frökkum?„Það verður allt að koma í ljós. Við erum með marga flotta sóknarmenn sem geta allar leyst efstu þrjár stöðurnar. Þetta kemur í ljós. Ég tek því hlutverki sem Freyr lætur mig hafa og geri það vel. Ég er tilbúin í allt.“Ekki missa af neinu tengdu stelpunum okkar á EM 2017 í Hollandi. Íþróttadeild 365 er með öflugt teymi fréttamanna á mótinu og færir ykkur allar nýjustu fréttirnar af íslenska liðinu. Fylgdu okkur á Facebook og Twitter. EM 2017 í Hollandi Mest lesið Rashford líka skilinn eftir heima Enski boltinn Scottie Scheffler fer fyrir dómstóla í byrjun júní Golf Sara Björk ekki áfram hjá Juventus Fótbolti Kaupstefna Brighton ástæðan fyrir brotthvarfi De Zerbi Enski boltinn „Mér finnst ég vera besti leikmaðurinn á Íslandi“ Körfubolti Hundahvíslarinn sem bræddi hjörtu Kansasbúa Sport Sjáðu umdeilda vítið sem KR fékk og öll mörkin úr Bestu í gær Íslenski boltinn Anníe Mist: Hver veit hvar ég verð eftir eitt ár Sport Löðrungaði son sinn fyrir að gera lítið úr Juventus Fótbolti Eigendur Inter í fjárhagskröggum og við það að missa félagið frá sér Fótbolti Fleiri fréttir Býst við að Sveindís Jane sé klár fyrir leikina mikilvægu Benítez ráðleggur Slot fyrir komuna til Liverpool Fyrrum besta knattspyrnukona heims framlengir við Barcelona Mo Salah ætlar að vinna titla með Liverpool á næstu leiktíð Valsmenn hafa unnið alla deildarleiki sína við HK frá hruni Ráðherrar reiðir út í leikmann í frönsku deildinni Sara Björk ekki áfram hjá Juventus Rashford líka skilinn eftir heima Tveir leikir á Akureyri og bikarmeistararnir lentu á móti Fylki Sagður vera búinn að henda Henderson út úr enska landsliðinu Löðrungaði son sinn fyrir að gera lítið úr Juventus Toni Kroos hættir eftir EM í sumar Eigendur Inter í fjárhagskröggum og við það að missa félagið frá sér Sjáðu umdeilda vítið sem KR fékk og öll mörkin úr Bestu í gær Kaupstefna Brighton ástæðan fyrir brotthvarfi De Zerbi Völdu Albert í lið ársins Tuchel daðrar við Man United og Chelsea Juventus skoraði þrjú á átta mínútum og bjargaði stigi Tel að ég geti hjálpað liðinu að ná í fleiri sigra Uppgjör og viðtöl: KA-Fylkir 4-2 | Fyrsti sigur Akureyringa í hús „Okkar langar rosalega að klífa upp töfluna“ Hlín á skotskónum og Guðrún vann toppslaginn Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Sverrir Ingi á skotskónum í ótrúlegum leik Liverpool staðfestir komu Slot Víkingarnir fyrrverandi öflugir í Noregi „Hann þekkir mig örugglega betur en ég sjálfur“ Rodri gagnrýnir hugarfar Arsenal manna: Þar liggur munurinn Jafnmörg mörk og rauð spjöld í Vestmannaeyjum Dagný framlengir samning sinn við West Ham Sjá meira
„Þetta er búið að vera sturlað. Frábær stuðningur sem við erum búnar að fá þessa síðustu sólarhringa. Þessi kveðja í flugstöðinni er hvað eftirminnilegust og maður mun seint gleyma því, líklega aldrei,“ segir Katrín Ásbjörnsdóttir.Blaðamaður settist niður með Katrínu, tíu marka konu í Pepsi-deild kvenna í sumar, á hóteli kvennalandsliðsins í Ermelo á sunnudaginn.Ferðalagið til Frakklands er stelpunum ofarlega í huga. Þær voru kvaddar með stæl í flugstöð Leifs Eiríkssonar og flugu utan á Saga Class.„Að koma upp í flugvél var alveg geggjað, og að sitja á Saga Class í fyrsta skipti,“ segir framherjinn úr vesturbæ Reykjavíkur. Það hafi verið sérstakt að beygja til vinstri en ekki til hægri þegar þær komu inn í flugvélina.„Það var alveg geggjað, geðveikt pláss og maður var eins og í hægindastól heima í stofu.“„Og svo að koma hingað á hótelið. Það var búið að græja herbergin, glaðningur á rúmunum og við erum í skýjunum. Hótelið er flottur og maturinn flottur.Katrín og Sandra María á leiðinni utan til Hollands á föstudaginn, á Saga Class.Instagram @katrinasbjornsKósý með Söndru MaríuKatrín deilir herbergi með Söndru Maríu Jessen, leikmanni Þórs/KA. Katrín og Sandra spiluðu saman í Íslandsmeistaraliði Þórs/KA sumarið 2012 en Katrín er reyndar að upplagi KR-ingur.„Ég kom norður 2012 og við unnum þá titilinn. Þá kynntist ég Söndru svolítið, en þá var hún rosalega ung,“ segir Katrín. Sandra er fædd árið 1995. „En hún er bara þremur árum yngri en ég og við erum orðnar mjög góðar vinkonur eftir að hafa verið saman fyrir norðan.“Katrín segir þær nokkuð svipaðar týpur en þetta sé þó í fyrsta skipti sem þær séu saman í herbergi„Þetta lofar góðu. Við eigum margt sameiginlegt, horfum á þætti saman og höfum kósý stemningu.“Katrín og Sandra voru vonarstjörnur Íslands í aðdraganda EM fyrir fjórum árum. Þær meiddust hins vegar báðar og misstu af mótinu.„Við höfum rætt það hvað þetta mót verði okkar mót einhvern veginn. Við höfum unnið báðar mikið hjá okkar félagsliðum þótt við höfum lent í hinu og þessu. Við höfum staðið okkur vel og hættum ekkert. Við erum engir „quit-arar“ ef ég má sletta. Við styðjum hvor aðra áfram í þessu, hjálpumst að.“Að neðan má sjá innslag frá árinu 2012 þegar Katrín var að raða inn mörkum með Þór/KA í miðjum stúdentsprófum í MR.Finnur til með systrunumMeðal leikmanna sem eru ekki á EM í sumar vegna meiðsla eru Eyjakonurnar og systurnar Elísa og Margrét Lára Viðarsdætur. Sömu sögu er að segja um Dóru Maríu Lárusdóttir. „Ég hef sem betur fer aldrei slitið krossband og vonandi kemur aldrei að því. Ég get ekki ímyndað mér hvernig þeim leið. Lengstu meiðsli sem ég hef lent í eru fjórir mánuðir svo ég get lítið kvartað,“ segir Katrín. Hennar meiðsli hafi verið illa tímasett þótt meiðsli komi svo sem aldrei á góðum tíma.„Ég fann rosalega mikið til með þeim og þetta var mjög sárt. En það kemur maður í manns stað og við verðum að gera úr því sem við höfum. Við höfum verið að gera vel, æfingar og síðustu leikir hafa gengið vel svo ég hef litlar áhyggjur.“Katrín Ásbjörnsdóttir hefur skorað tíu mörk með Stjörnunni í Pepsi-deild kvenna í sumar. Hún á þrettán landsleiki að baki og hefur skorað einu sinni.Vísir/TOMTilbúin í alltKatrín spilaði hálft tímabil með Klepp í Noregi en hefur annars spilað allan sinn feril heima á Íslandi.„Auðvitað held ég öllu opnu og get ekkert ákveðið núna fyrr en eftir tímabilið. Ég er opin fyrir öllu og skoða allt ef það kemur. Ég veit að EM er stór gluggi. Það verður bara að koma að því. Ég ætla að klára tímabilið með Stjörnunni, er mjög ánægð þar eins og er. En ég er mjög tilbúin að prufa aftur að fara út, ég segi ekki nei við því.“Hún segir tímann í Noregi hafa verið lærdómsríkan og gefið henni reynslu. Hún hefði þó þegið meiri áskorun enda alltaf með fast sæti í byrjunarliðinu.En reiknar hún með að byrja gegn Frökkum?„Það verður allt að koma í ljós. Við erum með marga flotta sóknarmenn sem geta allar leyst efstu þrjár stöðurnar. Þetta kemur í ljós. Ég tek því hlutverki sem Freyr lætur mig hafa og geri það vel. Ég er tilbúin í allt.“Ekki missa af neinu tengdu stelpunum okkar á EM 2017 í Hollandi. Íþróttadeild 365 er með öflugt teymi fréttamanna á mótinu og færir ykkur allar nýjustu fréttirnar af íslenska liðinu. Fylgdu okkur á Facebook og Twitter.
EM 2017 í Hollandi Mest lesið Rashford líka skilinn eftir heima Enski boltinn Scottie Scheffler fer fyrir dómstóla í byrjun júní Golf Sara Björk ekki áfram hjá Juventus Fótbolti Kaupstefna Brighton ástæðan fyrir brotthvarfi De Zerbi Enski boltinn „Mér finnst ég vera besti leikmaðurinn á Íslandi“ Körfubolti Hundahvíslarinn sem bræddi hjörtu Kansasbúa Sport Sjáðu umdeilda vítið sem KR fékk og öll mörkin úr Bestu í gær Íslenski boltinn Anníe Mist: Hver veit hvar ég verð eftir eitt ár Sport Löðrungaði son sinn fyrir að gera lítið úr Juventus Fótbolti Eigendur Inter í fjárhagskröggum og við það að missa félagið frá sér Fótbolti Fleiri fréttir Býst við að Sveindís Jane sé klár fyrir leikina mikilvægu Benítez ráðleggur Slot fyrir komuna til Liverpool Fyrrum besta knattspyrnukona heims framlengir við Barcelona Mo Salah ætlar að vinna titla með Liverpool á næstu leiktíð Valsmenn hafa unnið alla deildarleiki sína við HK frá hruni Ráðherrar reiðir út í leikmann í frönsku deildinni Sara Björk ekki áfram hjá Juventus Rashford líka skilinn eftir heima Tveir leikir á Akureyri og bikarmeistararnir lentu á móti Fylki Sagður vera búinn að henda Henderson út úr enska landsliðinu Löðrungaði son sinn fyrir að gera lítið úr Juventus Toni Kroos hættir eftir EM í sumar Eigendur Inter í fjárhagskröggum og við það að missa félagið frá sér Sjáðu umdeilda vítið sem KR fékk og öll mörkin úr Bestu í gær Kaupstefna Brighton ástæðan fyrir brotthvarfi De Zerbi Völdu Albert í lið ársins Tuchel daðrar við Man United og Chelsea Juventus skoraði þrjú á átta mínútum og bjargaði stigi Tel að ég geti hjálpað liðinu að ná í fleiri sigra Uppgjör og viðtöl: KA-Fylkir 4-2 | Fyrsti sigur Akureyringa í hús „Okkar langar rosalega að klífa upp töfluna“ Hlín á skotskónum og Guðrún vann toppslaginn Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Sverrir Ingi á skotskónum í ótrúlegum leik Liverpool staðfestir komu Slot Víkingarnir fyrrverandi öflugir í Noregi „Hann þekkir mig örugglega betur en ég sjálfur“ Rodri gagnrýnir hugarfar Arsenal manna: Þar liggur munurinn Jafnmörg mörk og rauð spjöld í Vestmannaeyjum Dagný framlengir samning sinn við West Ham Sjá meira