Fékk loksins þær fréttir að hann væri á leiðinni heim eftir hjartaígræðsluna

Ari er ungur drengur sem hefur gengið í gegnum margt en hann fæddist með hjartagalla.

Hann beið í 211 daga eftir því að fá að gangast undir hjartaígræðslu og fjallaði Lífið í mars um augnablikið þegar hann fékk þær góðu fréttir að hann væri að fá nýtt hjarta.

Sjá einnig:Ari fékk þær fréttir að hann væri að fá nýtt hjarta og viðbrögðin voru yndisleg

Foreldrar hans tóku upp viðbrögðin þegar hann fékk fréttirnar og má með sanni segja að tilfinningarnar báru hann ofurliði.

Nú eru liðnir 105 dagar síðan Ari fór í hjartaígræðslu og fær hann loksins að fara heim í dag.

Foreldrar hans voru aftur mættir með myndavélina og tóku upp viðbrögðin þegar honum var tilkynnt að hann væri að leiðinni heim en Ari hefur verið á sjúkrahúsi í Boston í marga mánuði.