Lífslíkur HIV-smitaðra sem nota nýjustu lyf nú sambærilegar og hjá ósmituðum

Lífslíkur ungs fólks sem smitast HIV og nota nýjustu lyf eru nú sambærilegar þeim sem ekki hafa greinst með sjúkdóminn. Þetta er að finna í niðurstöðum nýrrar rannsóknar sem birtar voru í vísindatímaritinu Lancet.

Samkvæmt rannsóknarhöfundum munu tvítugir HIV-sjúklingar sem hefja fjöllyfjameðferð stuttu eftir smit lifa tíu árum lengur en þeir sem notuðu sömu fyrir tíu árum.

Þetta er vegna verulegra framfara í lyfjaþróun en í dag eru mun minni líkur á að sjúklingar þurfi að þola meiriháttar aukaverkanir sem fylgdu notkun lyfjanna.

Vísindamennirnir benda á að skilvirkari skimun eftir sjúkdómnum og öflugt forvarnastarf hafi einnig hjálpað en þeir kalla engu að síður eftir vitundarvakningu meðal ungs fólks um HIV.