Danska stjórnin vill herða refsingar fyrir hefndarklám

Danska ríkisstjórnin kynnti í dag aðgerðir sem ætlaðar eru til að berjast gegn hefndarklámi á netinu.

Til stendur að herða refsingar og leggja aukið púður í aðgerðir lögreglu. Þá á jafnframt að efla forvarnir í skólum landsins.

Hefndarklám felur í sér dreifingu eða birtingu á myndum eða myndskeiðum án leyfis þess sem á myndefninu er. Er jafnan ætlun þess sem birtir myndir að valda viðkomandi tjóni eða vanlíðan, en oft er um að ræða nektarmyndir eða kynferðisleg myndskeið.

Í frétt Aftonbladet segir að samkvæmt tillögunum eigi þeir sem sakfelldir eru fyrir birtingu á hefndarklámi á hættu á að verða dæmdir til sex mánaða til tveggja ára fangelsisvistar.

Menntamálaráðherrann Merete Riisager vill sjá auknar forvarnir á efri stigum grunnskóla þar sem nýtt fræðsluefni verði notað til að skýra málið hver ábyrgð skólanna sé. Þá skuli skýra hvernig skólar skuli aðstoða fórnarlömb í slíkum málum.