Frakkar banna fríar áfyllingar á gosdrykkjum

Stjórnvöld í Frakklandi hafa bannað veitingastöðum og öðrum þeim sem setja mat að bjóða upp á fríar áfyllingar á gosdrykkjum. Þetta er gert til að reyna að draga úr offitu í landinu.

BBC greinir frá því að lögin hafi tekið í gildi í dag og kveði á um að ólöglegt sé að selja ótakmarkað magn af gosdryggjum á föstu verði eða að bjóða upp á fríar áfyllingar án endurgjalds.

Hlutfall fólks í ofþyngd í Frakklandi er nálægt meðaltalinu hjá aðildarríkjum ESB. Samkvæmt upplýsingum frá Eurostat glíma 15,3 prósent Frakka við offitu, en meðaltal ESB-ríkjanna er 15,9 prósent.

Alþjóðaheilbrigðisstofnunin mælist til þess að sykraðir drykkir séu skattlagðir til að draga megi úr offitu.