Dóttur Michael Jackson varð óglatt þegar hún sá Joseph Fiennes leika föður sinn

Breski leikarinn Joseph Fiennes leikur Michael Jackson í breskum gamanþætti og sitt sýnist hverjum um það val og túlkun hans á tónlistarmanninum sáluga.

Um er að ræða bresku gamanþáttaröðina Urban Myts þar sem sem Fiennes leikur konung poppsins í þætti sem fjallar um bílferð Elizabeth Taylor, Michael Jackson og Marlon Brando.

Hlaðvarpið The MJ Cast, sem fjallar um Michael Jackson, hvatti til sniðgöngu á þættinum og spurði dóttur Michael Jackson, Paris, hvað henni þætti um þetta allt saman.

„Mér er svo ótrúlega misboðið, og er viss um að mörgum öðrum líði eins. Í hreinskilni sagt varð mér óglatt,“ svaraði Paris á Twitter.

@TheMJCast i'm so incredibly offended by it, as i'm sure plenty of people are as well, and it honestly makes me want to vomit.

— Paris-Michael K. J. (@ParisJackson) January 11, 2017

Hún segist reið yfir því hversu augljóslega aðstandendur þáttarins eru að reyna að vera móðgandi, ekki aðeins í garð föður hennar, heldur einnig í garð guðmóður hennar Elizabeth Taylor.

„Hvar er virðingin? Þau lögðu blóð, svita og tár í það að skapa svo mikla og merkilega arfleið. Þetta er skammarleg túlkun.“

@TheMJCast it angers me to see how obviously intentional it was for them to be this insulting, not just towards my father, but my godmother liz as well

— Paris-Michael K. J. (@ParisJackson) January 11, 2017

Hún sagði föður sinn hafa ávallt verið stoltan af uppruna sínum og að hann hefði aldrei sætt sig við þessa túlkun.

@TheMJCast where is the respect? they worked through blood sweat and tears for ages to create such profound and remarkable legacies. shameful portrayal

— Paris-Michael K. J. (@ParisJackson) January 11, 2017

Þessi þáttur verður frumsýndur á Sky Arts 19. janúar næstkomandi. Michael Jackson, Elizabeth Taylor og Marlon Brando eru ekki einu umfjöllunarefnin því einnig verða sagðar sögur af Bob Dylan, Adolf Hitler, Samuel Beckett og Cary Grant í þessari þáttaröð.