Varamennirnir sáu um tíu leikmenn Porto | Sjáðu mörkin

Juventus er í afar góðri stöðu fyrir seinni leikinn gegn Porto eftir 0-2 útisigur í fyrri leiknum í kvöld.

Alex Telles, vinstri bakvörður Porto, var rekinn af velli á 27. mínútu og eftir það var róður portúgalska liðsins þungur.

Það tók Juventus þó sinn tíma að brjóta ísinn. Það tókst ekki fyrr en á 72. mínútu þegar varamaðurinn Marko Pjaca skoraði sitt fyrsta mark fyrir Juventus.

Aðeins tveimur mínútum síðar skoraði annar varamaður, Dani Alves, og kom Juventus í 0-2 sem urðu lokatölur leiksins.