Alþjóðlegur baráttudagur kvenna: Nú verðum við að standa við stóru orðin António Guterres skrifar 8. mars 2017 07:00 Réttindi kvenna eru mannréttindi en á þessum erfiðu óvissu- og upplausnartímum er gengið á réttindi kvenna og stúlkna og áunninn réttindi afnumin eða takmörkuð. Eina leiðin til að auka áhrif kvenna og stúlkna er að vernda réttindi þeirra og tryggja að þær geti nýtt hæfileika sína til fullnustu. Konum og stúlkum er mismunað í æ ríkari mæli nú þegar vaxandi ójöfnuður innan og á milli einstakra samfélaga og landa bætist ofan á sögulegt ójafnvægi í valdahlutföllum á milli karla og kvenna. Um allan heim eru hefðir, menningarlegt gildismat og trúarbrögð misnotuð til að skerða réttindi kvenna, festa karlrembu í sessi og verja kvenfjandsamlegar gjörðir. Konur hafa hvergi staðið jafnfætis karlmönnum. Sótt er að lagalegum réttindum kvenna og réttur þeirra til að ráða yfir eigin líkama er dreginn í efa og grafið undan honum. Sótt er að konum jafnt í netheimum sem í daglegu lífi. Þegar verst lætur reisa öfgasinnar og hryðjuverkamenn lífssýn sína á undirokun kvenna. Þær sæta kynferðislegu og kynbundnu ofbeldi, eru þvingaðar í hjónaband og í raun hnepptar í þrældóm. Þrátt fyrir nokkrar framfarir eru karlar víðast í forystu og efnahagslegt bil á milli kynjanna fer vaxandi vegna úreltra viðhorfa og rótgróinnar karlrembu. Þessu verðum við að breyta með því að efla völd kvenna á öllum sviðum, leyfa röddum þeirra að heyrast og veita þeim vald yfir eigin lífi og yfir framtíð heimsins. Það er ekki aðeins rangt í sjálfu sér að neita konum og stúlkum um réttindi sín, heldur hefur það alvarlegar félagslegar og efnahagslegar afleiðingar sem koma niður á okkur öllum. Einstök samfélög, þjóðfélög og efnahagskerfi blómstra þar sem jafnrétti kynjanna þrífst. Tryggur aðgangur kvenna að menntun og heilsugæslu kemur fjölskyldum þeirra og samfélögum og komandi kynslóðum varanlega til góða. Eitt ár til viðbótar í skóla getur skilað sér í fjórðungs tekjuaukningu stúlkunnar í framtíðinni. Þegar konur taka að fullu þátt í atvinnulífinu skapar það ný tækifæri og leysir hagvöxt úr læðingi. Jöfn þátttaka karla og kvenna á vinnumarkaði er talin geta skilað 12 billjónum Bandaríkjadala í aukinni þjóðarframleiðslu í heiminum. Með því að auka hlutfall kvenna í opinberum stofnunum eiga þær sér fleiri fulltrúa, nýsköpun eykst og ákvarðanataka batnar, öllu samfélaginu til hagsbóta. Jafnrétti kynjanna er í fyrirrúmi í Áætlun 2030 um Sjálfbæra þróun, alheimsáætlun sem leiðtogar allra ríkja heims hafa samþykkt í því skyni að svara þeim áskorunum sem við stöndum andspænis. Í sjálfbæru þróunarmarkmiði, eða Heimsmarkmiði númer 5, er hvatt sérstaklega til þess að jafnrétti kynjanna og valdefling kvenna og stúlkna verði tryggð en slíkt er einnig þýðingarmikil forsenda fyrir því að öllum 17 sjálfbæru þróunarmarkmiðunum verði náð. Ég er staðráðinn í því að auka hlut kvenna í friðar- og öryggisstarfi Sameinuðu þjóðanna. Fjölgun kvenkyns sáttasemjara eykur líkur á varanlegum friði og fjölgun kvenna í friðargæslu dregur úr líkum á kynferðislegri misnotkun og áreitni. Innan Sameinuðu þjóðanna vinn ég nú að vegvísi með áfangamarkmiðum til að tryggja jafnrétti kynjanna með það fyrir augum að allir þeir sem við vinnum fyrir eigi sér málsvara. Fyrri markmiðum hefur ekki verið náð. Nú verðum við að standa við stóru orðin. Við skulum heita því á alþjóðlegum baráttudegi kvenna að gera allt sem í okkar valdi stendur til að vinna gegn rótgrónum fordómum, styðja viðleitni og baráttu og efla jafnrétti og valdeflingu kvenna. Greinin birtist fyrst í Fréttablaðinu. Viltu birta grein á Vísi? Sendu okkur póst. Senda grein Mest lesið Misskiljum ekki neitt Jón Helgi Björnsson Skoðun Mýtur um veitt og sleppt á laxi Karl Lúðvíksson Skoðun Ráðherra Kári Stefánsson Skoðun Uppalendur bera mikla ábyrgð Fastir pennar „Ég skal baka fyrir Gunnar en ég kýs Kristján“ Páll Magnússon Skoðun Bréf frá móður Berglind Fríða Viggósdóttir Skoðun Forsetaframbjóðendur undir áhrifum Kremlverja? Bjarni Már Magnússon Skoðun Forseti Íslands, Baldur Þórhallsson Friðrik Erlingsson Skoðun Sagan sem verður að segja Drífa Snædal Skoðun Heilbrigðiskerfi Íslands - Tími fyrir lausnir! Victor Gudmundsson Skoðun Skoðun Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar Skoðun Nýtt sveitarfélag Halla Signý Kristjánsdóttir skrifar Skoðun Stafrænn ójöfnuður á upplýsingaöld Stella Samúelsdóttir,Alma Ýr Ingólfsdóttir skrifar Skoðun Varfærnisleg fagnaðarlæti Berglind Sunna Bragadóttir skrifar Skoðun „Ég skal baka fyrir Gunnar en ég kýs Kristján“ Páll Magnússon skrifar Skoðun Daðrað við sölu Björn Sævar Einarsson skrifar Skoðun Rannsóknir á söfnum skapa dýrmæta þekkingu Arndís Bergsdóttr skrifar Skoðun Sagan sem verður að segja Drífa Snædal skrifar Skoðun Nýsköpun innviða Jóhanna Ýr Jóhannsdóttir skrifar Skoðun Fjöldi fyrirtækja hætta með Rapyd Oddný Björg Rafnsdóttir skrifar Skoðun Forsetaframbjóðendur undir áhrifum Kremlverja? Bjarni Már Magnússon skrifar Skoðun Bréf frá móður Berglind Fríða Viggósdóttir skrifar Skoðun Vill ekki lengur íslenzkan her? Hjörtur J. Guðmundsson skrifar Skoðun Hafa íslensk fjarskiptafélög málað sig út í horn? Aron Heiðar Steinsson skrifar Skoðun Á Ísland framtíð í NATO? Hilmar Þór Hilmarsson skrifar Skoðun Fjallkonan nýja, hún Katrín Þorvaldur Logason skrifar Skoðun Heilsa íslenskrar þjóðar, samofin framþróun í læknisfræði á Íslandi Theódór Skúli Sigurðsson skrifar Skoðun Njótum reynslu Katrínar Valgerður Bjarnadóttir skrifar Skoðun Katrínu á Bessastaði Brynja Þorbjörnsdóttir skrifar Skoðun Eru stjórnvöld að virða réttindi barna á flótta? Hópur fólks í ungmennaráði UNICEF á Íslandi skrifar Skoðun Forseti Íslands, Baldur Þórhallsson Friðrik Erlingsson skrifar Skoðun Algeng mistök við fasteignakaup og hvernig þú forðast þau Kristín Ósk Þórðardóttir skrifar Skoðun Er ungum mönnum sama um sjófólk? Kjartan Sveinn Guðmundsson skrifar Skoðun Þörfin fyrir heimilislækna Bjarni Jónsson skrifar Skoðun Um lýðræði — Þrjár spurningar til forsetaframbjóðenda Hjörtur Hjartarson skrifar Skoðun 30% kaupmáttaraukning með evru Guðmundur Ragnarsson skrifar Skoðun Halla Tómasdóttir yrði góður forseti Rannveig Guðmundsdóttir skrifar Skoðun Forsetinn má ekki fara á taugum Gísli Jökull Gíslason skrifar Skoðun „Brandarinn er búinn!“ María Heba Þorkelsdóttir skrifar Skoðun Katrín kann sig Aðalheiður Björk Olgudóttir skrifar Sjá meira
Réttindi kvenna eru mannréttindi en á þessum erfiðu óvissu- og upplausnartímum er gengið á réttindi kvenna og stúlkna og áunninn réttindi afnumin eða takmörkuð. Eina leiðin til að auka áhrif kvenna og stúlkna er að vernda réttindi þeirra og tryggja að þær geti nýtt hæfileika sína til fullnustu. Konum og stúlkum er mismunað í æ ríkari mæli nú þegar vaxandi ójöfnuður innan og á milli einstakra samfélaga og landa bætist ofan á sögulegt ójafnvægi í valdahlutföllum á milli karla og kvenna. Um allan heim eru hefðir, menningarlegt gildismat og trúarbrögð misnotuð til að skerða réttindi kvenna, festa karlrembu í sessi og verja kvenfjandsamlegar gjörðir. Konur hafa hvergi staðið jafnfætis karlmönnum. Sótt er að lagalegum réttindum kvenna og réttur þeirra til að ráða yfir eigin líkama er dreginn í efa og grafið undan honum. Sótt er að konum jafnt í netheimum sem í daglegu lífi. Þegar verst lætur reisa öfgasinnar og hryðjuverkamenn lífssýn sína á undirokun kvenna. Þær sæta kynferðislegu og kynbundnu ofbeldi, eru þvingaðar í hjónaband og í raun hnepptar í þrældóm. Þrátt fyrir nokkrar framfarir eru karlar víðast í forystu og efnahagslegt bil á milli kynjanna fer vaxandi vegna úreltra viðhorfa og rótgróinnar karlrembu. Þessu verðum við að breyta með því að efla völd kvenna á öllum sviðum, leyfa röddum þeirra að heyrast og veita þeim vald yfir eigin lífi og yfir framtíð heimsins. Það er ekki aðeins rangt í sjálfu sér að neita konum og stúlkum um réttindi sín, heldur hefur það alvarlegar félagslegar og efnahagslegar afleiðingar sem koma niður á okkur öllum. Einstök samfélög, þjóðfélög og efnahagskerfi blómstra þar sem jafnrétti kynjanna þrífst. Tryggur aðgangur kvenna að menntun og heilsugæslu kemur fjölskyldum þeirra og samfélögum og komandi kynslóðum varanlega til góða. Eitt ár til viðbótar í skóla getur skilað sér í fjórðungs tekjuaukningu stúlkunnar í framtíðinni. Þegar konur taka að fullu þátt í atvinnulífinu skapar það ný tækifæri og leysir hagvöxt úr læðingi. Jöfn þátttaka karla og kvenna á vinnumarkaði er talin geta skilað 12 billjónum Bandaríkjadala í aukinni þjóðarframleiðslu í heiminum. Með því að auka hlutfall kvenna í opinberum stofnunum eiga þær sér fleiri fulltrúa, nýsköpun eykst og ákvarðanataka batnar, öllu samfélaginu til hagsbóta. Jafnrétti kynjanna er í fyrirrúmi í Áætlun 2030 um Sjálfbæra þróun, alheimsáætlun sem leiðtogar allra ríkja heims hafa samþykkt í því skyni að svara þeim áskorunum sem við stöndum andspænis. Í sjálfbæru þróunarmarkmiði, eða Heimsmarkmiði númer 5, er hvatt sérstaklega til þess að jafnrétti kynjanna og valdefling kvenna og stúlkna verði tryggð en slíkt er einnig þýðingarmikil forsenda fyrir því að öllum 17 sjálfbæru þróunarmarkmiðunum verði náð. Ég er staðráðinn í því að auka hlut kvenna í friðar- og öryggisstarfi Sameinuðu þjóðanna. Fjölgun kvenkyns sáttasemjara eykur líkur á varanlegum friði og fjölgun kvenna í friðargæslu dregur úr líkum á kynferðislegri misnotkun og áreitni. Innan Sameinuðu þjóðanna vinn ég nú að vegvísi með áfangamarkmiðum til að tryggja jafnrétti kynjanna með það fyrir augum að allir þeir sem við vinnum fyrir eigi sér málsvara. Fyrri markmiðum hefur ekki verið náð. Nú verðum við að standa við stóru orðin. Við skulum heita því á alþjóðlegum baráttudegi kvenna að gera allt sem í okkar valdi stendur til að vinna gegn rótgrónum fordómum, styðja viðleitni og baráttu og efla jafnrétti og valdeflingu kvenna. Greinin birtist fyrst í Fréttablaðinu.
Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar
Skoðun Heilsa íslenskrar þjóðar, samofin framþróun í læknisfræði á Íslandi Theódór Skúli Sigurðsson skrifar
Skoðun Eru stjórnvöld að virða réttindi barna á flótta? Hópur fólks í ungmennaráði UNICEF á Íslandi skrifar
Skoðun Algeng mistök við fasteignakaup og hvernig þú forðast þau Kristín Ósk Þórðardóttir skrifar