Twitter-síða Viðars notuð til að selja sólgleraugu

Viðar Örn Kjartansson átti frábæra helgi en á laugardaginn skoraði hann þrennu í sigri Maccabi Tel Aviv á Shmona í ísraelsku úrvalsdeildinni.

Viðar, sem er orðinn markahæsti leikmaður ísraelsku deildarinnar, varð hins vegar fyrir heldur óskemmtilegri reynslu í gær er óprúttinn aðili braust inn á Twitter-síðu hans.

Tilgangurinn var að selja Ray-Ban sólgleraugu og fengu vinir Viðars Arnar á Twitter tilboð til sín í nafni Viðars.

Hvaða höfðingi var að hakka sig inná twitter accountin minn

— Viðar Örn Kjartanss. (@Vidarkjartans) February 19, 2017

Viðar Örn virtist ekki mjög áhyggjufullur vegna þessa og sjálfsagt búinn að breyta lykilorði sínu.

Hjálmar Örn Jóhannsson, snapchat-stjarna með meiru, virtist enn fremur áhugasamur um að gylliboðið.

@Vidarkjartans@shahar_penso@gardarleifs@EranMaccabi@Viilmaaat takk fyrir tilboðið champ! Skoða þessi gleraugu seinna í kvöld er að borða

— Hjálmar Örn Jóhannss (@hjammi) February 19, 2017