Fótbolti

Emil og félagar steinlágu

Ingvi Þór Sæmundsson skrifar
Emil var á sínum stað í byrjunarliði Udinese.
Emil var á sínum stað í byrjunarliði Udinese. vísir/getty
Emil Hallfreðsson og félagar í Udinese biðu afhroð þegar þeir mættu Bologna í ítölsku úrvalsdeildinni í dag. Lokatölur 4-0, Bologna í vil.

Emil lék allan leikinn fyrir Udinese sem er í 11. sæti deildarinnar.

Lazio vann 1-3 sigur á Roma í Rómarslagnum. Balde Keita skoraði tvívegis fyrir Lazio og Dusan Basta eitt mark. Daniel De Rossi skoraði mark Roma úr vítaspyrnu.

Lazio er í 4. sæti deildarinnar en Roma í því öðru, níu stigum á eftir toppliði Juventus.

AC Milan gerði 1-1 jafntefli við Crotone á útivelli. Þetta var þriðja jafntefli Milan í síðustu fimm leikjum. Liðið er í 6. sæti deildarinnar.

Úrslit dagsins:

Bologna 4-0 Udinese

Roma 1-3 Lazio

Crotone 1-1 Milan

Cagliari 1-0 Pescara

Empoli 1-3 Sassuolo

Genoa 1-2 Chievo

Palermo 2-0 Fiorentina

Ítalski boltinn

Mest lesið


Fleiri fréttir

Sjá meira


×

Mest lesið