Madridar-slagur í úrslitum Meistaradeildarinnar

Það verða Madridar-liðin Real og Atletico sem mætast í úrslitaleik Meistaradeildar Evrópu í ár.

Það varð ljóst í kvöld er Real Madrid lagði Man. City, 1-0, í síðari undanúrslitaleik liðanna. Það var eina markið sem var skorað í rimmu liðanna.

Markið kom í fyrri hálfleik. Sending Gareth Bale fyrir markið fór þá af varnarmanni City og sveif í netið.

City fékk sín færi til þess að jafna leikinn en nýtti þau ekki og áhorfendur í Madrid fögnuðu ógurlega í leikslok.

Markið má sjá hér að ofan.