Hafa verið með hjólhýsi í Herjólfsdal í tuttugu ár

Stefán Árni Pálsson skrifar 2. ágúst 2016 17:30

„Við erum bara búin að vera með hjólhýsi hérna í tuttugu ár,“ segir Eyjakona sem bauð fréttamanni í heimsókn í hjólhýsið sem stendur í miðjum Herjólfsdalnum.

Þjóðhátíð í Vestmannaeyjum fór fram um helgina og þótti hátíðin heppnast nokkuð vel. Sólin skein á gesti Þjóðhátíðar alla helgina og var mikið stuð í dalnum um öll kvöld. Vísir og Stöð 2 var á svæðinu og fylgdist vel með.

„Þetta er reyndar ekki hjólhýsi, þetta er kuml. Það er bannað að vera með hjólhýsi í dalnum og því er þetta kumlið í dalnum,“ segir önnur Eyjakona.

„Þetta er auðvitað rosalega þægilegt og sérstaklega þegar það rignir þá er þetta alveg bara frábært,“ segir konan en þau fá alltaf að staðsetja hjólhýsið á nákvæmlega sama stað í dalnum.

„Við eigum þennan blett og þetta hjólhýsi má vera hérna þangað til dagar þess eru taldir. Eftir það má ekki vera hjólhýsi í dalnum.“

Tengdar fréttir

Bjarni nálgast sjötíu Þjóðhátíðir: „Maður fékk svo mikið kick í bekkjabílunum“

"Það klikkaði hjá mér í fyrra og hitt í fyrra að mæta á Þjóðhátíð, mjaðmirnar í mér fóru alveg,“ segir Bjarni Árnason, 73 ára Vestmannaeyingur, sem var alltaf tilbúinn að bjóða öllum í heimsókn í hvíta tjaldið sem hann og fjölskyldan hann höfðu komið fyrir í Herjólfsdal.

2. ágúst 2016 13:58

Mest spennt fyrir því að fara í sleik á Þjóðhátíð

„Röddin er bara einhverstaðar í brekkunni,“ segir Karítas Sif Bjarkadóttir, í Herjólfsdalnum á sunnudeginum á Þjóðhátíð. Karítas missti röddinni í Herjólfi á leiðinni til Eyja.

2. ágúst 2016 14:15

Sex ára en alls ekki á sinni fyrstu Þjóðhátíð

„Ég veit ekki hvað ég er búin að fara oft á Þjóðhátíð,“ segir Hekla Sól Nökkvadóttir í Herjólfsdal en Hekla er sex ára og var ekki að fara á sína fyrstu Þjóðhátíð.

2. ágúst 2016 15:30

Baksviðs með FM95BLÖ: Þegar allt trylltist á Þjóðhátíð

"Við getum orðað það þannig að ef það væri þak á dalnum, þá myndi það rifna af,“ sagði Egill Einarsson rétt áður en hann steig út á svið með strákunum í FM95BLÖ í Herjólfsdal á laugardalskvöld í Vestmannaeyjum.

2. ágúst 2016 12:15

„Við viljum engan helvítis bleikan fíl í dalinn“

„Við erum sjö til átta vinkonur sem ákváðum að vera ruðningslið með lukkudýri,“ segir Sara Hlín Sölvadóttir, sem mætti í skemmtilegum búningi í Herjólfsdal ásamt vinkonum sínu en árlega er búningakeppni í Herjólfsdal og mæta margir vinahópar í allskonar búningum á Þjóðhátíð.

2. ágúst 2016 13:11

Verið giftur Eyjapæju í mörg ár en alltaf neitað að koma á Þjóðhátíð

"Ég hef aldrei komið á Þjóðhátíð áður, þetta er mitt fyrsta skipti,“ segir alþingismaðurinn Brynjar Níelsson, sem var staddur í Vestmannaeyjum um helgina.

2. ágúst 2016 16:30