John Oliver fjallar um lagalegar og siðferðislegar hliðar reksturs Guantanamo

Breski þáttastjórnandinn John Oliver tók fyrir Guantanamo-fangabúðirnar á Kúbu í þætti sínum Last Week Tonight í gærkvöldi.

Rakti hann ítrekaðar yfirlýsingar Barack Obama Bandaríkjaforseta um að búðunum verði lokað, en þær eru enn starfræktar, nú tæpum átta árum eftir að hann tók við embætti.

Oliver fjallar í innslaginu á sinn einstaka hátt um lagalegar og siðferðislegar hliðar þess að reka búðirnar þar sem grunuðum hryðjuverkamönnum hefur verið haldið, margir án ákæru.

Auk þess rekur hann sérstakan aðdraganda þess að búðirnar urðu að veruleika.

Innslagið má sjá í heild sinni að neðan en þátturinn verður sýndur í heild sinni á Stöð 2 á morgun.