Innlent

Vatnsendamál sent aftur til héraðsdóms

Tryggvi Páll Tryggvason skrifar
Hæstiréttur hefur lagt fyrir Héraðsdóms Reykjaness að taka hið 75 milljarða Vatnsendamál til efnismeðferðar.
Hæstiréttur hefur lagt fyrir Héraðsdóms Reykjaness að taka hið 75 milljarða Vatnsendamál til efnismeðferðar. Vísir/GVA

Hæstiréttur hefur fellt úr gildi frávísunarúrskurð Héraðsdóms Reykjaness í máli hóps erfingja jarðarinnar Vatnsenda við Elliðavatn gegn Kópavogsbæ vegna eignarnáms á Vatnsenda. Þarf Héraðsdómur að taka málið til efnismeðferðar að nýju.



Máli erfingjanna á Vatnsenda gegn Kópavogsbæ var vísað frá dómi í Héraðsdómi Reykjaness í janúar vegna vanreifunar. Taldi Héraðsdómur að erfingjarnir hefðu ekki gert grein fyrir því hvað fælist í beinum eignarétt að Vatnsenda og því ómögulegt að komast að því hvort að Kópavogsbær væri bótaskyldur.



Hefur Hæstiréttur fellt úr gildi þennan frávísunarúrskurð Héraðsdóms Reykjaness. Segir í dómi Hæstaréttar að kröfur erfingjanna á hendur Kópavogsbæ séu svo skýrar og málatilbúnaður svo glöggur að öðru leyti að ekkert sé því til fyrirstöðu að dómur verði á þær lagðar. Leggur Hæstiréttur það því fyrir Héraðsdóm að taka málið til efnismeðferðar.



Málaferlin þessi hófust eftir að Hæstiréttur komst í mars síðastliðnum að þeirri niðurstöðu að ráðstafa skyldi beinum eignarrétti til fimmtán erfingja Sigurðar Hjaltested, en ekki sonarsonar hans, Þorsteins Hjaltested. Hann fékk milljarða frá Kópavogsbæ í bætur, eftir að bærinn tók hluta jarðarinnar eignarnámi.



Málið á sér langan aðdraganda, en deilur um jörðina hafa nú staðið yfir í nærri fimmtíu ár. Miklir fjárhagslegir hagsmunir eru í húfi, ekki síst vegna þess að jörðin er eitt helsta byggingarland Kópavogsbæjar.

Deilur um Vatnsendaland Kópavogur

Tengdar fréttir

Krefja Kópavogsbæ um 75 milljarða

Erfingjar Sigurðar K. Hjaltested, fyrrum ábúenda á Vatnsenda, hafa stefnt Kópavogsbæ vegna eignarnáms á landi Vatnsenda árin 1992, 1998, 2000 og 2007.

Réttir eigendur taldir missa af Vatnsendafé

„Ég vil þetta allt upp á borðið,? segir Guðríður Arnardóttir, oddviti Samfylkingarinnar í bæjarstjórn Kópavogs, um uppgreiðslu bæjarsjóðs á skuldabréfum sem gefin voru út í tengslum við eignarnám á hluta Vatnsendalandsins. Guðríður, ásamt Hjálmari Hjálmarssyni, bæjarfulltrúa Næst besta flokksins, óskaði í bæjarráði eftir svari við því hvers vegna Kópavogsbær hafi í

Deilan um Vatnsenda: "Þetta splundraði bara fjölskyldunni"

Yngsti sonur Sigurðar Hjaltested, sem var eigandi Vatnsenda á sjöunda áratugnum, segir niðurstöðu Hæstaréttar í gær mikinn sigur en í raun bara upphafið að endinum. Hann segist finna til léttis að viðurkennt hafi verið að Vatnsendi sé enn í eigu dánarbús föður síns. Það hafi tekið verulega á þegar hann og fjölskylda hans voru borin út af heimili sínu fyrir tæpum 45 árum.

Áfram deilt um Vatnsenda í Kópavogi

Þorsteinn Hjaltested hefur kært niðurstöðu Sýslumannsins í Reykjavík um að ógilda ekki þinglýsingu á afsali fyrir landinu Vatnsendakriki, sem Kópavogur afsalaði sér til Reykjavíkur.

Vatnsendi ekki í eigu Þorsteins - 45 ára gömlum deilum lokið

Hæstiréttur staðfesti í dag dóm Héraðsdóms Reykjavíkur að jörðin Vatnsendi í Kópavogi teljist til eigna dánarbús Sigurðar Kristjáns Lárussonar Hjaltested sem lést árið 1966, en ekki Þorsteins Hjaltested, móður hans og systkina, sem hafa verið réttmætir eigendur jarðarinnar síðustu ár.

Mest lesið


Fleiri fréttir

Sjá meira


×

Mest lesið