Hugmyndir að Halloween búningum

Margir halda upp á Halloween-hátíðina um næstu helgi. Það er gott að hafa varann á og byrja að undirbúa búninginn. Fréttablaðið tók saman nokkrar hugmyndir út frá skemmtilegum atburðum á árinu enda gaman að vera í viðeigandi búningi.



Sigurður Ingi Soprano

Sigurður Ingi vakti athygli fyrr á árinu þegar hann kom askvaðandi út úr Stjórnarráðinu með flagaraklút um hálsinn og þumalhring. Fjölmiðlar veltu þessum klæðaburði töluvert fyrir sér og líkti tískusérfræðingurinn Sindri Snær Jensson Sigurði Inga meðal annars við mafíósann Tony Soprano. Það er auðvitað tilvalið að mæta sem forsætisráðherra vor í Halloweenfögnuðinn.

Hótel Adam

Hótelið við Skólavörðustíg hefur verið í fréttum á árinu. Þarna leynast búningahugmyndir – það væri til að mynda hægt að klæðast grænu og hvítu, drekka tékkneskan bjór, reyna að selja öllum rándýrt kranavatn í flösku (það væri hægt að gera úr þessu athöfn) og hafa á sér einn latexhanska, en eins og glöggir muna úr heimsókn Kolbeins Tuma, fréttamanns Vísis, á hótelið var búið að klæða reykskynjarann í herberginu hans í slíkan hanska.

Sigrún Magnúsdóttir og RÚV leynigesturinn

Ein hugmynd að parabúningi gæti verið Sigrún Magnúsdóttir og RÚV-leynigesturinn sem hún talaði um í frægu viðtali. Annar aðilinn gæti tæklað Sigrúnu með þv og hinn aðilinn gæti svo verið í svörtum í að klæðast í Framsóknargræna dragt fötum með spurningarmerki á eða jafnvel draugabúningi með RÚV-lógóinu á.

Villtur túristi

Ferðamaðurinn Noel Santillan villtist óvart til Siglufjarðar í ruglingi á Laugavegi og Laugarvegi og það  gæti  verið nokkuð gott efni í búning sem hentar öllum kynjum. Til að mynda væri hægt að vera í týp- ískum túristagalla eins og allir sem hafa gengið Laugaveginn upp á síð- kastið ættu að kannast vel við og halda á skilti sem á stendur „Laugavegur/ Laugarvegur?“

Ólafur Darri mjólkursvelgur

Ólafur Darri Ólafsson lék aðalhlutverkið í sjónvarpsseríunni Ófærð þar sem hann fór á kostum sem lögreglumaðurinn Andri Ólafsson sem var algjör „no bullshit“ náungi og þambaði meðal annars mjólk í gríð og erg. Þetta væri hægt að túlka í búning með því til dæmis að vera í stórri, frá- hnepptri  vetrarúlpu, alskegg með mjólk í og halda á mjólkurglasi eða jafnvel bara fernunni.

Tólfuliði á EM

EM var auðvitað stærsti viðburðurinn á árinu og mikið af búningahugmyndum sem geta komið þaðan. Ein hugmyndin væri að klæða sig upp í Tólfugalla,  vera með  vatn í poka með röri eins og um vökva í æð væri að ræða og vera í sífellu að taka Víkingaklappið. Það myndi auðvitað gjörsamlega slá í gegn í hvaða partíi sem er.