Helgi Hrafn Gunnarsson og Birgitta Jónsdóttir, þingmenn Pírata, í þingsalvísir/vilhelm
Píratar auglýsa nú eftir framkvæmdastjóra en í auglýsingu á Facebook-síðu flokksins kemur fram að vegna anna þurfi hann nú að ráða metnaðarfullan einstakling sem er tilbúinn að takast á við fjölbreytt verkefni.
Tekið er fram í auglýsingunni að um fullt starf er að ræða en með óreglulegum vinnutíma. Þá er það eitt af skilyrðum fyrir starfinu að viðkomandi sé Pírati eða tilbúinn til að verða Pírati og er vísað í lög flokksins en í grein 3.9 í þeim segir að eingöngu félagsmenn megi gegna trúnaðarstörfum innan félagsins og aðildarfélaga.
Píratar reyna nú að bregðast við margfaldri fylgisaukningu flokksins með því að endurmóta stefnumálin. Þeir glíma hinsvegar við þann vanda að fleira fólk vantar til starfa.
„Það hefur verið mannbætandi ferli sem við þingmennirnir njótum nú þegar góðs af með lausnamiðari aðferðafræði um hvernig má vinna betur saman með umburðarlyndi og sátt að leiðarljósi.“
