ISIS brenndi tvo tyrkneska hermenn lifandi

Hryðjuverkasamtökin sem kenna sig við Íslamska ríkið settu myndband á netið í kvöld sem sýna tvo tyrkneska hermenn brennda lifandi.  Reuters greinir frá.

Talið er að tyrknesku hermennirnir hafi verið handsamaðir af samtökunum í norðurhluta Sýrlands þar sem tyrkneski herinn aðstoðar aðra uppreisnarhópa við að ná undir sitt vald borginni al-Bab frá Íslamska ríkinu. Mikið mannfall var í röðum Tyrkja í gær. 

Samtökin birta reglulega slík myndbönd þar sem þau hampa ódæðisverkum sínum til þess að ala á ótta í röðum andstæðinga sinna.