Schwarzenegger stöðvaður á hjóli af lögreglu í München

Lögregla í München stöðvaði stórleikarann Arnold Schwarzenegger þar sem hann hjólaði á lestarpalli í gær.

Schwarzenegger slapp við sekt eftir að hann bað lögreglumanninn afsökunar og bauð honum upp á selfie-myndatöku.

Lögreglumaðurinn Stefan Schmitt stöðvaði leikarann þar sem hann hjólaði ásamt lífverði á lestarpallinum en það ku vera bannað. Útskýrði leikarinn að hann væri hjólandi þar sem hann ætti erfitt með gang.

Í yfirlýsingu lögreglu segir að Scharzenegger hafi hlýtt tilmælum lögreglu og leitt hjólið út af lestarstöðinni.