Einvalalið listamanna á KEXMas

Hinir árlegu jólatónleikar KEX Hostel fara fram 22. desember klukkan 21 og verður aðgangur ókeypis.

Í boði verður m.a. eggjapúns, jólabjór, jólamatseðill Sæmundar í Sparifötunum, möndlur, tólgarkertaljós og síðast en ekki síst jólatónleikar húsbandsins á KEX, The KEXMas Show. 

Húsbandið skipa þau Andri Ólafsson, Magnús Magnússon, Salka Sól Eyfeld, Snorri Helgason, Valdimar Guðmundsson og Örn Eldjárn. 

Meðlimir húsbandsins hafa getið sér gott orð í hljómsveitum á borð við Moses Hightower, Ylja, Valdimar, Tilbury, AmabAdamA og fleiri.