Kýldur eftir að hafa sagt við mann að hann ætti að deyja úr krabbameini

Héraðsdómur Norðurlands vestra hefur dæmt karlmann í þrjátíu daga skilorðsbundið fangelsi vegna líkamsárásar. Var hann að auki dæmdur til þess að greiða brotaþola 100 þúsund krónur í miskabætur ásamt málskostnaði.

Líkamsárásin átti sér stað á milli jóla og nýárs á síðasta ári við verslunarhúsnæði á Túngötu á Akureyri. Í dómnum kemur fram að brotaþoli hefði átt í orðaskiptum við mann fyrir utan Café amour. Á ákærði að hafa sagt við manninn að hann ætti að deyja úr krabbameini. Kom það svo í ljós að maðurinn var í raun og veru með krabbamein en brotaþoli hafði ekki vitað af því.

Í kjölfarið kom til átaka og var talsverður fjöldi fólks á svæðinu sem ýmist tók þátt í stympingunum eða fylgdist með. Hinn ákærði var vinur krabbameinssjúka mannsins sem brotaþoli móðgaði við Café Amour en hann réðst á brotaþola með hnefahöggum þannig að hann hlaut glóðarauga.

Dómurinn taldi þrjátíu daga skilorðsbundna fangelsisvist hæfilega refsingu og tók til greina að brotaþoli lét afar óviðurkvæmileg orð falla við félaga ákærða.