Fylgstu með ævintýrum Alþýðufylkingarinnar á stod2frettir

Á komandi vikum munu fulltrúar allra flokka sem bjóða fram til Alþingis deila með sér Snapchat-reikningi fréttastofu 365. Þar geta áhorfendur fylgst með því sem á daga þeirra drífur á lokametrum kosningabaráttunnar.

Það eina sem þarf að gera er að bæta við reikningnum stod2frettir og þannig má sjá þær myndir og myndbrot sem frambjóðendurnar hlaða upp.

Alþýðufylkingin ríður á vaðið og fer með tögl og hagldir á Snapchatinu í dag. Flokkurinn er á kafi í kosningabaráttu og hefur verið að mælast með um 1 prósent í síðustu könnunum.

Til að fylgjast með ævintýrum þeirra þarf sem fyrr segir einungis að bæta við stod2frettir eða beina myndavél símans, þegar kveikt er á Snapchat, að gula merkinu hér að neðan.