Kimmel mætti í Carpool Karaoke hjá James Corden

Bandaríski kvöldþáttastjórnandinn Jimmy Kimmel fór á kostum Emmy-verðlaunahátíðinni sem fram fór í nótt en hann var kynnir kvöldsins.

Sjónvarpsþáttaröðin Game of Thrones var sigurvegari EMMY verðlaunahátíðarinnar en alls fékk þátturinn tólf verðlaun og fer því í sögubækurnar sem verðlaunaðasti þáttur allra tíma frá því Emmy verðlaunin hófu göngu sína árið 1949.

Einn vinsælasti dagskráliður spjallþáttanna vestanhafs er Carpool Karaoke með James Corden og setti sá liður svip á Emmy-verðlaunin í nótt. Þá mætti Corden og tók Kimmel í Carpool Karaoke eins og sjá má hér að neðan.