Innlent

Eldur kviknaði í uppþvottavél í Eyjum

gissur sigurðsson skrifar
Íbúðin er óíbúðarhæf vegna sóts og skemmda af eldi.
Íbúðin er óíbúðarhæf vegna sóts og skemmda af eldi. vísir/óskar p. friðriksson
Eldur kviknaði í uppþvottavél í eldhúsi íbúðar í fjölbýlishúsi í Vestmannaeyjum um miðnætti og lagði mikinn reyk af. Húsfreyjan, sem var ein í íbúðinni, var vakandi og varð því strax vör við eldinn og kallaði á slökkviliðið.

Reykur barst fram á stigaganginn og forðuðu aðrir íbúar við stigaganginn sér út, en slökkvistarf gekk vel. Nokkurn tíma tók að reykræsta íbúðina og stigaganginn, en að því búnu sneru allir íbúarnir aftur til sína heima. Íbúðin er óíbúðarhæf vegna sóts og skemmda af eldi.

Konuna sakaði ekki, að sögn lögreglunnar.

Hvasst var og rigning og voru íbúar margir hverjir illa klæddir og jafnvel berfættir.vísir/óskar p. friðriksson
vísir/óskar p. friðriksson
Fólk kom sér fyrir í bílum sínum á meðan slökkviliðið var að störfum.vísir/óskar p. friðriksson

Mest lesið


Fleiri fréttir

Sjá meira


×

Mest lesið