Íslensk list prýðir hótel í Ríó Vera Einarsdóttir skrifar 15. ágúst 2016 13:45 Fiðrildi eftir Kristjönu í fánalitum þátttökulandanna á Ólympíuleikunum flögra um framhlið hótelsins í tíu mínútur á dag. Verk íslensku listakonunnar Kristjönu S. Williams prýða Hótel Belmond Copacabana í Ríó í tilefni af Ólympíuleikunum. Þetta eru myndbandsverk sem varpað er á framhlið hússins, gluggalistaverk á bakhliðinni og vegglistaverk innandyra. Myndbandsverk Kristjönu var frumsýnt á framhlið Hótel Belmond Copacabana í Ríó í Brasilíu 31. júlí en í því er flögrandi fiðrildum í fánalitum þátttökulandanna á Ólympíuleikunum varpað á húsið.Kristjana er fædd og uppalin á Íslandi. Hún hefur starfað í London um árabil.Síðan hefur verkið verið sýnt á hverjum degi klukkan sjö að staðartíma í tíu mínútur í senn og flögra þá fiðrildi í fánalitum þeirra landa sem hafa náð á verðlaunapall þann dag um hótelið. Fánafiðrildin eru táknræn fyrir allar þær þjóðir sem koma saman á leikunum og er ætlað að fagna fjölbreytileikanum. Mikill fjöldi fólks var viðstaddur frumsýninguna en síðan hefur fólk safnast saman á ströndinni fyrir framan hótelið til að virða fyrir sér verk dagsins. Þá hafa yfir tvær milljónir manna skoðað myndband af verkinu sem Kristjana deildi á Facebook-síðu sinni í upphafi mánaðar. Belmond Copacabana hótelið í Ríó er hluti af Belmond-hótelkeðjunni sem rekur lúxushótel um allan heim. Hótelið er þekkt kennileiti í Ríó og ein mest myndaða bygging borgarinnar. Gluggaverkin á bakhlið hótelsins sýna hinar ýmsu stórborgir víðsvegar um heim sem hafa haldið Ólympíuleikana hingað til með augum Kristjönu. Má þar nefna London, Aþenu, Ríó og Tókýó, þar sem leikarnir verða haldnir 2020. Innandyra hanga svo verk eftir hana í móttökunni og víðar.Stórt verk eftir Kristjönu prýðir móttöku hótelsins.Kristjana er fædd og uppalin á Íslandi. Hún nam teikningu og grafíska hönnun í Central St. Martins í London og gegndi í kjölfarið starfi listræns stjórnanda Beyond the Valley í átta ár, en það er vettvangur fyrir unga og upprennandi hönnuði í Bretlandi til að koma sér á framfæri. Í dag rekur hún eigið stúdíó í London og selur myndir, ýmiss konar textíl og myndskreytt húsgögn auk þess sem von er á fatalínu í haust. Verk Kristjönu hafa víða vakið athygli og hefur hún þegar unnið til fjölda verðlauna. Má þar nefna D&AD, Clio og Grand Prix verðlaunin. Sumar af vörum Kristjönu fást í Kiosk á Laugarvegi og Kraumi i Bankastræti. Sjá nánar hér.Gluggarnir á bakhlið hótelsins eru prýddir verkum eftir Kristjönu. Þau sýna hinar ýmsu stórborgir sem hafa haldið Ólympíuleikana hingað til með hennar augum. Menning Ólympíuleikar 2016 í Ríó Mest lesið Heiður Ósk og Davíð eru nýtt par Lífið Hvers vegna tölum við um bongóblíðu? Lífið Fréttatía vikunnar: Skúlptúrar, ráðherrarifrildi og EM Lífið „Þetta er enginn helvítis félagskvíði, það bara þolir mig enginn“ Áskorun Fékk skyndihugmynd og er nú í blómahafi heima fyrir Lífið Arnar Þór selur Arnarneshöllina Lífið Bubbi hrærður: Trúir því að Níu líf muni á endanum vakna að nýju Lífið Líður bókstaflega óstöðvandi í góðu fitti Tíska og hönnun Tengdasonur Íslands trúðaði Simon Cowell upp úr skónum Bíó og sjónvarp Tólf klukkustunda gjörningur í Hörpu í dag Lífið Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Verk íslensku listakonunnar Kristjönu S. Williams prýða Hótel Belmond Copacabana í Ríó í tilefni af Ólympíuleikunum. Þetta eru myndbandsverk sem varpað er á framhlið hússins, gluggalistaverk á bakhliðinni og vegglistaverk innandyra. Myndbandsverk Kristjönu var frumsýnt á framhlið Hótel Belmond Copacabana í Ríó í Brasilíu 31. júlí en í því er flögrandi fiðrildum í fánalitum þátttökulandanna á Ólympíuleikunum varpað á húsið.Kristjana er fædd og uppalin á Íslandi. Hún hefur starfað í London um árabil.Síðan hefur verkið verið sýnt á hverjum degi klukkan sjö að staðartíma í tíu mínútur í senn og flögra þá fiðrildi í fánalitum þeirra landa sem hafa náð á verðlaunapall þann dag um hótelið. Fánafiðrildin eru táknræn fyrir allar þær þjóðir sem koma saman á leikunum og er ætlað að fagna fjölbreytileikanum. Mikill fjöldi fólks var viðstaddur frumsýninguna en síðan hefur fólk safnast saman á ströndinni fyrir framan hótelið til að virða fyrir sér verk dagsins. Þá hafa yfir tvær milljónir manna skoðað myndband af verkinu sem Kristjana deildi á Facebook-síðu sinni í upphafi mánaðar. Belmond Copacabana hótelið í Ríó er hluti af Belmond-hótelkeðjunni sem rekur lúxushótel um allan heim. Hótelið er þekkt kennileiti í Ríó og ein mest myndaða bygging borgarinnar. Gluggaverkin á bakhlið hótelsins sýna hinar ýmsu stórborgir víðsvegar um heim sem hafa haldið Ólympíuleikana hingað til með augum Kristjönu. Má þar nefna London, Aþenu, Ríó og Tókýó, þar sem leikarnir verða haldnir 2020. Innandyra hanga svo verk eftir hana í móttökunni og víðar.Stórt verk eftir Kristjönu prýðir móttöku hótelsins.Kristjana er fædd og uppalin á Íslandi. Hún nam teikningu og grafíska hönnun í Central St. Martins í London og gegndi í kjölfarið starfi listræns stjórnanda Beyond the Valley í átta ár, en það er vettvangur fyrir unga og upprennandi hönnuði í Bretlandi til að koma sér á framfæri. Í dag rekur hún eigið stúdíó í London og selur myndir, ýmiss konar textíl og myndskreytt húsgögn auk þess sem von er á fatalínu í haust. Verk Kristjönu hafa víða vakið athygli og hefur hún þegar unnið til fjölda verðlauna. Má þar nefna D&AD, Clio og Grand Prix verðlaunin. Sumar af vörum Kristjönu fást í Kiosk á Laugarvegi og Kraumi i Bankastræti. Sjá nánar hér.Gluggarnir á bakhlið hótelsins eru prýddir verkum eftir Kristjönu. Þau sýna hinar ýmsu stórborgir sem hafa haldið Ólympíuleikana hingað til með hennar augum.
Menning Ólympíuleikar 2016 í Ríó Mest lesið Heiður Ósk og Davíð eru nýtt par Lífið Hvers vegna tölum við um bongóblíðu? Lífið Fréttatía vikunnar: Skúlptúrar, ráðherrarifrildi og EM Lífið „Þetta er enginn helvítis félagskvíði, það bara þolir mig enginn“ Áskorun Fékk skyndihugmynd og er nú í blómahafi heima fyrir Lífið Arnar Þór selur Arnarneshöllina Lífið Bubbi hrærður: Trúir því að Níu líf muni á endanum vakna að nýju Lífið Líður bókstaflega óstöðvandi í góðu fitti Tíska og hönnun Tengdasonur Íslands trúðaði Simon Cowell upp úr skónum Bíó og sjónvarp Tólf klukkustunda gjörningur í Hörpu í dag Lífið Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira