Stór skjálfti við Bárðarbungu

Jarðskjálfti að stærð 3,9 varð í norðanverðri Bárðarbunguöskjunni klukkan 16.15 í dag. Í dag hafa mælst nokkrir stórir skjálftar í Bárðarbungu.

Jarðskjálftinn sem varð nú um eftirmiðdegið er með þeim stærstu sem mælst hafa frá goslokum í Holuhrauni. Annars skjálfti að stærð 3,0 varð á svipuðum slóðum klukkan 12:48 í dag og alls hafa sex skjálftar mælst stærri en tveir í dag á svæðinu.

Skjálftarnir í dag fylgja sömu þróun og undanfarna mánuði og áfram veður fylgst með þróun mála. Fjölmargir jarðskjálftar hafa orðið í og við Bárðarbungu á þeim sautján mánuðum sem liðnir eru frá goslokum í Holuhrauni.