Umfjöllun, viðtöl og einkunnir: Víkingur Ó. - Stjarnan 2-3 | Sigurgöngu Ólsara á heimavelli lokið | Sjáðu mörkin Ingvi Þór Sæmundsson á Ólafsvíkurvelli skrifar 17. júlí 2016 22:00 Grétar Sigfinnur Sigurðarson skoraði annað mark Stjörnunnar. vísir/hanna Stjarnan varð í kvöld fyrsta liðið til að vinna Víking Ó. á Ólafsvíkurvelli í tvö ár þegar Garðbæingar fóru með 2-3 sigur af hólmi í leik liðanna í 11. umferð Pepsi-deildar karla. Fyrir leikinn voru Ólsarar búnir að leika 18 leiki í röð á heimavelli án þess að tapa en Grindvíkingar voru síðastir til að sækja sigur í Ólafsvík 9. ágúst 2014. Stjörnumenn voru heilt yfir sterkari aðilinn í leiknum. Baldur Sigurðsson og Grétar Sigfinnur Sigurðarson skoruðu mörk gestanna í fyrri hálfleik eftir hornspyrnur en í millitíðinni jafnaði Hrvoje Tokic metin með frábæru marki. Króatinn, sem er næstmarkahæstur í Pepsi-deildinni með átta mörk, lét svo reka sig út af fyrir að sparka í Baldur þremur mínútum fyrir hálfleik. Afar slæm ákvörðun hjá þessum öfluga framherja. Þrátt fyrir að vera einum færri spiluðu Víkingar mun betur í seinni hálfleik en þeim fyrri og Þorsteinn Már Ragnarsson jafnaði metin á 65. mínútu. En aðeins tveimur mínútum síðar skoraði Arnar Már Björgvinsson sigurmark gestanna eftir sendingu frá Hilmari Árna Halldórssyni sem lagði upp öll þrjú mörk Stjörnunnar í kvöld. Með sigrinum komust Stjörnumenn upp í 2. sæti deildarinnar en Ólsarar duttu niður í það fimmta.Af hverju vann Stjarnan? Leikáætlun Stjörnunnar gekk upp í fyrri hálfleik. Þeir léku með tígulmiðju sem gerði þeim kleift að halda boltanum vel og stjórna leiknum. Gestirnir skoruðu svo tvö mörk eftir hornspyrnur Hilmars Árna sem átti mjög fínan leik. Spilamennska Víkinga lagaðist mikið í þeim seinni en þeir gleymdu sér eftir jöfnunarmark Þorsteins og áttu ekki nóg eftir á tankinum til að jafna metin í þriðja sinn.Þessir stóðu upp úr Hilmar Árni spilaði vel í stöðu fremsta miðjumanns og lagði upp öll þrjú mörk gestanna. Halldór Orri Björnsson var einnig góður og fylgdi góðri frammistöðu í síðasta leik gegn Fjölni eftir. Framherjarnir, Guðjón Baldvinsson og Arnar Már, voru svo hrikalega duglegir og gerðu heimamönnum erfitt fyrir að spila út úr vörninni. Hjá Ólsurum voru Þorsteinn Már og William Dominguez da Silva öflugir en þeir gerðu ótrúlega mikið úr litlu í þessum leik. Egill Jónsson átti einnig fínan dag á miðjunni.Hvað gekk illa? Varnarleikur Víkinga í hornspyrnum í fyrri hálfleik var ekki til útflutnings og kostaði þá tvö mörk. Þeim gekk einnig illa að færa boltann upp völlinn í fyrri hálfleiknum og tókst nánast aldrei að búa til yfirtölu á köntunum gegn tígulmiðju gestanna. Stjörnumenn spiluðu vel í fyrri hálfleik en voru full rólegir í byrjun þess seinni og vöknuðu raun ekki til lífsins fyrr en eftir að Þorsteinn skoraði. Þeir voru hins vegar fljótir að rífa sig í gang og lönduðu öllum þremur stigunum.Hvað gerist næst? Stjörnumenn hafa unnið tvo gríðarlega sterka sigra í röð og þrátt fyrir allt eru þeir bara tveimur stigum á eftir FH að fyrri umferðinni lokinni. Garðbæingar mæta Fylki á útivelli í næsta leik sínum. Ólsarar fá Blika í heimsókn í næstu umferð. Víkingar hafa aðeins unnið einn af síðustu fjórum leikjum sínum en eru samt í fínum málum í deildinni.Ejub: Var erfitt að spila í fyrri hálfleik Ejub Purisevic, þjálfari Víkings Ó., var langt frá því að vera sáttur með frammistöðu Ívars Orra Kristjánssonar í 2-3 tapi Ólsara fyrir Stjörnunni í kvöld. Ívar Orri rak Hrjove Tokic af velli á 42. mínútu í stöðunni 2-1 fyrir að sparka í Baldur Sigurðsson og svo töldu Víkingar sig svikna um vítaspyrnu í fyrri hálfleik. Myndband af rauða spjaldinu má sjá hér að neðan. „Ég á eftir að sjá hvað hann gerði en mér finnst ótrúlegt og til skammar hvernig þeir fara á hann [Tokic] með olnbogunum, hangandi í honum. Það er aldrei dæmt neitt. Það getur verið að hann hafi gert eitthvað en ég ætla ekki að dæma um það fyrr en ég sé það í sjónvarpinu,“ sagði Ejub sem furðar sig á því að Ívar Orri sé að dæma í fjórða sinn hjá Ólsurum í sumar. „Það er alltaf sama sagan,“ sagði Ejub um Ívar Orra. „Hann dæmdi miklu minna núna en gegn Víkingi R. Ég er ekki dómari en mér finnst mjög skrítið þegar sami dómari dæmi alltaf hjá okkur. Ég er í alvöru ekki ánægður með hvernig línan var og hvernig var dæmt í fyrri hálfleik.“ Ejub var ánægður með seinni hálfleikinn hjá sínum mönnum sem jöfnuðu metin einum færri áður en Arnar Már Björgvinsson skoraði sigurmark Stjörnunnar. „Við spiluðum mjög vel í seinni hálfleik en það var erfitt að spila í þeim fyrri. Það var líka eitthvað talað um brot í öðru marki Stjörnunnar, þetta er erfitt. Maður vill treysta dómurunum en stundum klórar maður sér í hausnum yfir dómgæslunni,“ sagði Ejub sem býst við því að Víkingar styrki sig í félagaskiptaglugganum sem opnaði í fyrradag.Baldur: Þetta var klárt rautt „Við fórum upp í skallabolta, lentum saman og þegar ég reyni að standa upp sparkar hann í mig. Þetta var klárt rautt,“ sagði Baldur Sigurðsson, fyrirliði Stjörnunnar, um rauða spjaldið sem Hrvoje Tokic fékk að líta á 42. mínútu. Baldur skoraði fyrsta mark Stjörnunnar í sigrinum í Ólafsvík með skalla eftir hornspyrnu Hilmars Árna Halldórssonar. „Þetta var frábær sending frá Hilmari og ég stóð bara aleinn og þurfti bara að setja boltann yfir línuna. Það besta við þetta mark er að við skoruðum loks eftir horn. Það er mjög jákvætt,“ sagði Baldur sem segir gulls ígildi að hafa jafn góðan spyrnumann eins og Hilmar Árna í Stjörnuliðinu. Baldur kvaðst gríðarlega sáttur með sigurinn enda höfðu Ólsarar ekki tapað á heimavelli frá því í ágúst 2014 fyrir leikinn í kvöld. „Það er frábært að koma hingað og vinna lið sem hefur ekki tapað hérna frá því Berlínarmúrinn var ennþá uppi. Þeir eru ógeðslega góðir hérna þannig að við erum mjög sáttir,“ sagði Baldur en Stjörnumenn voru full værukærir í upphafi seinni hálfleiks. „Það er svo hættulegt að vera manni fleiri. Ég veit ekki hvað gerist. Það hægist á spilinu en mér fannst við samt leysa ágætlega úr málunum.“Mörkin úr fyrri hálfleik: Mörkin úr seinni hálfleiknum: Tokic fær beint rautt spjald undir lok fyrri hálfleiks: Pepsi Max-deild karla Mest lesið Magnús Eyjólfsson er látinn Sport Brotnaði saman þegar hann bar liðsfélögum tíðindin Körfubolti Uppgjörið: Breiðablik - Virtus 2-1 | Blikar bara einu marki yfir Fótbolti Wirtz strax kominn á hættusvæði Enski boltinn Af hverju tekur svona langan tíma að fá niðurstöður í kærurnar? Enski boltinn „Magnað að við séum enn að leita í vinskap hvors annars“ Handbolti Frimpong strax úr leik hjá Liverpool Enski boltinn Bjarki Gunnlaugs spáir því að Liverpool landi Isak eftir Newcastle leikinn Enski boltinn Féll fimm metra við að fagna marki Fótbolti Mynd af Jota það síðasta sem leikmenn Liverpool sjá Enski boltinn Fleiri fréttir „Vilji, kraftur, ákveðni og hugarfar hjá mínum stelpum“ Arna Eiríksdóttir: „Við töpuðum tveimur stigum í dag“ Uppgjör og vitöl: Stjarnan-FH 2-2 | FH að missa Blikana frá sér Uppgjör: Þór/KA-FHL 4-0 | Norðankonur í stuði á móti botnliðinu Fá góðar fréttir fyrir stærsta leik í sögu félagsins „Af hverju er Tómas Orri ekki að að spila í Breiðabliki?“ Ólafur Kristjáns: Þá vitum við að hún er ekkert að grínast Uppgjörið: Fram - Víkingur 2-5 | Markasúpa er Víkingar komust aftur á sigurbraut Uppgjör og viðtöl: Þróttur-Valur 0-2 | Valskonur á siglingu Áhorfandi hrækti á dómara í Garðabæ Úlfur talinn sá allra besti vestanhafs „Guð hvað ég hafði rangt fyrir mér og ég er ánægður með það“ Bræðraslagur í bikarúrslitaleiknum í ár: „Er alltaf að reyna að ögra mér“ KSÍ opið fyrir sjálfkrafa bönnum en reglubreyting ekki í vinnslu Valsmenn bara mannlegir? „Ég ætla ekki í eina einustu tæklingu hérna“ Tvö mörk með fyrstu tveimur snertingunum Stúkan birti samskipti dómara: „Ég þarf að taka stórar ákvarðanir“ Sjáðu Galdurinn á bak við það að KR komst úr fallsæti Uppgjörið: Fram - KR 0-1 | Galdur galdraði fram sigur Fyrirliði Fylkis sleit krossband í sigrinum langþráða Fram spilar og selur treyjur til styrktar minningarsjóðs Bryndísar Klöru Sjáðu veisluna í Kópavogi, magnaðan klobba og perluna í Eyjum „Búið að vanrækja ákveðið innra starf í Garðabænum“ Sjóðheitur Sigurður Bjartur með sjö mörk í síðustu fimm leikjum Fyrsti sigurinn á gervigrasi í 357 daga „Maður þurfti kvíðalyf síðustu mínúturnar“ Axel Óskar: „Fáir leiðinlegir leikir hér fyrir áhorfendur“ Uppgjörið: Breiðablik - FH 4-5 | Bragi breytti leiknum og Blikar sitja eftir í sárum Uppgjörið: ÍA - Víkingur 0-1 | Víkingur minnkar muninn á Val með langþráðum deildarsigri Uppgjörið: Afturelding - KA 3-3 | Mikið fjör en enn lengri bið eftir sigri Sjá meira
Stjarnan varð í kvöld fyrsta liðið til að vinna Víking Ó. á Ólafsvíkurvelli í tvö ár þegar Garðbæingar fóru með 2-3 sigur af hólmi í leik liðanna í 11. umferð Pepsi-deildar karla. Fyrir leikinn voru Ólsarar búnir að leika 18 leiki í röð á heimavelli án þess að tapa en Grindvíkingar voru síðastir til að sækja sigur í Ólafsvík 9. ágúst 2014. Stjörnumenn voru heilt yfir sterkari aðilinn í leiknum. Baldur Sigurðsson og Grétar Sigfinnur Sigurðarson skoruðu mörk gestanna í fyrri hálfleik eftir hornspyrnur en í millitíðinni jafnaði Hrvoje Tokic metin með frábæru marki. Króatinn, sem er næstmarkahæstur í Pepsi-deildinni með átta mörk, lét svo reka sig út af fyrir að sparka í Baldur þremur mínútum fyrir hálfleik. Afar slæm ákvörðun hjá þessum öfluga framherja. Þrátt fyrir að vera einum færri spiluðu Víkingar mun betur í seinni hálfleik en þeim fyrri og Þorsteinn Már Ragnarsson jafnaði metin á 65. mínútu. En aðeins tveimur mínútum síðar skoraði Arnar Már Björgvinsson sigurmark gestanna eftir sendingu frá Hilmari Árna Halldórssyni sem lagði upp öll þrjú mörk Stjörnunnar í kvöld. Með sigrinum komust Stjörnumenn upp í 2. sæti deildarinnar en Ólsarar duttu niður í það fimmta.Af hverju vann Stjarnan? Leikáætlun Stjörnunnar gekk upp í fyrri hálfleik. Þeir léku með tígulmiðju sem gerði þeim kleift að halda boltanum vel og stjórna leiknum. Gestirnir skoruðu svo tvö mörk eftir hornspyrnur Hilmars Árna sem átti mjög fínan leik. Spilamennska Víkinga lagaðist mikið í þeim seinni en þeir gleymdu sér eftir jöfnunarmark Þorsteins og áttu ekki nóg eftir á tankinum til að jafna metin í þriðja sinn.Þessir stóðu upp úr Hilmar Árni spilaði vel í stöðu fremsta miðjumanns og lagði upp öll þrjú mörk gestanna. Halldór Orri Björnsson var einnig góður og fylgdi góðri frammistöðu í síðasta leik gegn Fjölni eftir. Framherjarnir, Guðjón Baldvinsson og Arnar Már, voru svo hrikalega duglegir og gerðu heimamönnum erfitt fyrir að spila út úr vörninni. Hjá Ólsurum voru Þorsteinn Már og William Dominguez da Silva öflugir en þeir gerðu ótrúlega mikið úr litlu í þessum leik. Egill Jónsson átti einnig fínan dag á miðjunni.Hvað gekk illa? Varnarleikur Víkinga í hornspyrnum í fyrri hálfleik var ekki til útflutnings og kostaði þá tvö mörk. Þeim gekk einnig illa að færa boltann upp völlinn í fyrri hálfleiknum og tókst nánast aldrei að búa til yfirtölu á köntunum gegn tígulmiðju gestanna. Stjörnumenn spiluðu vel í fyrri hálfleik en voru full rólegir í byrjun þess seinni og vöknuðu raun ekki til lífsins fyrr en eftir að Þorsteinn skoraði. Þeir voru hins vegar fljótir að rífa sig í gang og lönduðu öllum þremur stigunum.Hvað gerist næst? Stjörnumenn hafa unnið tvo gríðarlega sterka sigra í röð og þrátt fyrir allt eru þeir bara tveimur stigum á eftir FH að fyrri umferðinni lokinni. Garðbæingar mæta Fylki á útivelli í næsta leik sínum. Ólsarar fá Blika í heimsókn í næstu umferð. Víkingar hafa aðeins unnið einn af síðustu fjórum leikjum sínum en eru samt í fínum málum í deildinni.Ejub: Var erfitt að spila í fyrri hálfleik Ejub Purisevic, þjálfari Víkings Ó., var langt frá því að vera sáttur með frammistöðu Ívars Orra Kristjánssonar í 2-3 tapi Ólsara fyrir Stjörnunni í kvöld. Ívar Orri rak Hrjove Tokic af velli á 42. mínútu í stöðunni 2-1 fyrir að sparka í Baldur Sigurðsson og svo töldu Víkingar sig svikna um vítaspyrnu í fyrri hálfleik. Myndband af rauða spjaldinu má sjá hér að neðan. „Ég á eftir að sjá hvað hann gerði en mér finnst ótrúlegt og til skammar hvernig þeir fara á hann [Tokic] með olnbogunum, hangandi í honum. Það er aldrei dæmt neitt. Það getur verið að hann hafi gert eitthvað en ég ætla ekki að dæma um það fyrr en ég sé það í sjónvarpinu,“ sagði Ejub sem furðar sig á því að Ívar Orri sé að dæma í fjórða sinn hjá Ólsurum í sumar. „Það er alltaf sama sagan,“ sagði Ejub um Ívar Orra. „Hann dæmdi miklu minna núna en gegn Víkingi R. Ég er ekki dómari en mér finnst mjög skrítið þegar sami dómari dæmi alltaf hjá okkur. Ég er í alvöru ekki ánægður með hvernig línan var og hvernig var dæmt í fyrri hálfleik.“ Ejub var ánægður með seinni hálfleikinn hjá sínum mönnum sem jöfnuðu metin einum færri áður en Arnar Már Björgvinsson skoraði sigurmark Stjörnunnar. „Við spiluðum mjög vel í seinni hálfleik en það var erfitt að spila í þeim fyrri. Það var líka eitthvað talað um brot í öðru marki Stjörnunnar, þetta er erfitt. Maður vill treysta dómurunum en stundum klórar maður sér í hausnum yfir dómgæslunni,“ sagði Ejub sem býst við því að Víkingar styrki sig í félagaskiptaglugganum sem opnaði í fyrradag.Baldur: Þetta var klárt rautt „Við fórum upp í skallabolta, lentum saman og þegar ég reyni að standa upp sparkar hann í mig. Þetta var klárt rautt,“ sagði Baldur Sigurðsson, fyrirliði Stjörnunnar, um rauða spjaldið sem Hrvoje Tokic fékk að líta á 42. mínútu. Baldur skoraði fyrsta mark Stjörnunnar í sigrinum í Ólafsvík með skalla eftir hornspyrnu Hilmars Árna Halldórssonar. „Þetta var frábær sending frá Hilmari og ég stóð bara aleinn og þurfti bara að setja boltann yfir línuna. Það besta við þetta mark er að við skoruðum loks eftir horn. Það er mjög jákvætt,“ sagði Baldur sem segir gulls ígildi að hafa jafn góðan spyrnumann eins og Hilmar Árna í Stjörnuliðinu. Baldur kvaðst gríðarlega sáttur með sigurinn enda höfðu Ólsarar ekki tapað á heimavelli frá því í ágúst 2014 fyrir leikinn í kvöld. „Það er frábært að koma hingað og vinna lið sem hefur ekki tapað hérna frá því Berlínarmúrinn var ennþá uppi. Þeir eru ógeðslega góðir hérna þannig að við erum mjög sáttir,“ sagði Baldur en Stjörnumenn voru full værukærir í upphafi seinni hálfleiks. „Það er svo hættulegt að vera manni fleiri. Ég veit ekki hvað gerist. Það hægist á spilinu en mér fannst við samt leysa ágætlega úr málunum.“Mörkin úr fyrri hálfleik: Mörkin úr seinni hálfleiknum: Tokic fær beint rautt spjald undir lok fyrri hálfleiks:
Pepsi Max-deild karla Mest lesið Magnús Eyjólfsson er látinn Sport Brotnaði saman þegar hann bar liðsfélögum tíðindin Körfubolti Uppgjörið: Breiðablik - Virtus 2-1 | Blikar bara einu marki yfir Fótbolti Wirtz strax kominn á hættusvæði Enski boltinn Af hverju tekur svona langan tíma að fá niðurstöður í kærurnar? Enski boltinn „Magnað að við séum enn að leita í vinskap hvors annars“ Handbolti Frimpong strax úr leik hjá Liverpool Enski boltinn Bjarki Gunnlaugs spáir því að Liverpool landi Isak eftir Newcastle leikinn Enski boltinn Féll fimm metra við að fagna marki Fótbolti Mynd af Jota það síðasta sem leikmenn Liverpool sjá Enski boltinn Fleiri fréttir „Vilji, kraftur, ákveðni og hugarfar hjá mínum stelpum“ Arna Eiríksdóttir: „Við töpuðum tveimur stigum í dag“ Uppgjör og vitöl: Stjarnan-FH 2-2 | FH að missa Blikana frá sér Uppgjör: Þór/KA-FHL 4-0 | Norðankonur í stuði á móti botnliðinu Fá góðar fréttir fyrir stærsta leik í sögu félagsins „Af hverju er Tómas Orri ekki að að spila í Breiðabliki?“ Ólafur Kristjáns: Þá vitum við að hún er ekkert að grínast Uppgjörið: Fram - Víkingur 2-5 | Markasúpa er Víkingar komust aftur á sigurbraut Uppgjör og viðtöl: Þróttur-Valur 0-2 | Valskonur á siglingu Áhorfandi hrækti á dómara í Garðabæ Úlfur talinn sá allra besti vestanhafs „Guð hvað ég hafði rangt fyrir mér og ég er ánægður með það“ Bræðraslagur í bikarúrslitaleiknum í ár: „Er alltaf að reyna að ögra mér“ KSÍ opið fyrir sjálfkrafa bönnum en reglubreyting ekki í vinnslu Valsmenn bara mannlegir? „Ég ætla ekki í eina einustu tæklingu hérna“ Tvö mörk með fyrstu tveimur snertingunum Stúkan birti samskipti dómara: „Ég þarf að taka stórar ákvarðanir“ Sjáðu Galdurinn á bak við það að KR komst úr fallsæti Uppgjörið: Fram - KR 0-1 | Galdur galdraði fram sigur Fyrirliði Fylkis sleit krossband í sigrinum langþráða Fram spilar og selur treyjur til styrktar minningarsjóðs Bryndísar Klöru Sjáðu veisluna í Kópavogi, magnaðan klobba og perluna í Eyjum „Búið að vanrækja ákveðið innra starf í Garðabænum“ Sjóðheitur Sigurður Bjartur með sjö mörk í síðustu fimm leikjum Fyrsti sigurinn á gervigrasi í 357 daga „Maður þurfti kvíðalyf síðustu mínúturnar“ Axel Óskar: „Fáir leiðinlegir leikir hér fyrir áhorfendur“ Uppgjörið: Breiðablik - FH 4-5 | Bragi breytti leiknum og Blikar sitja eftir í sárum Uppgjörið: ÍA - Víkingur 0-1 | Víkingur minnkar muninn á Val með langþráðum deildarsigri Uppgjörið: Afturelding - KA 3-3 | Mikið fjör en enn lengri bið eftir sigri Sjá meira