5000 svín brunnu lifandi

Talið er að rúmlega 5000 svín hafi brunnið inni í vesturhluta Kanada á laugardag.

Mikil eldur kom upp á svínabúi í bænum Leroy, 160 kílómetra austan af borginni Saskatoon sem er stærsta borg Saskatchewan-fylkis. Svartur reykjarmökkur steig upp til himins og sást úr órafjarlægð að sögn sjónarvotta.

Tilkynnt var um eldinn klukkan 16 að staðartíma og var fjöldi slökkviliðs- og sjúkraflutningamanna sendur á vettvang. Veðurskilyrði voru hagstæð og tók skamman tíma að ráða niðurlögum eldsins. Ekki tókst þó að bjarga þeim 5000 svínum sem í búinu voru sem fyrr segir. 

Eldsupptök eru ókunn en ekki er þó talið að eldurinn hafi kviknað með saknænum hætti.

Hér að neðan má sjá myndband af eldsvoðanum