Fimm dæmdir fyrir að nauðga danskri konu í Indlandi

Fimm menn hafa verið dæmdir fyrir að nauðga danskri konu í Indlandi árið 2014. Konan sem er 52 ára gömul villtist í boginni New Delhi og ætlaði að biðja mennina um leiðbeiningar þegar þeir rændu hana og nauðguðu henni. Auk mannanna fimm er réttað yfir þremur ólögráða drengjum og einn maður sem einnig tók þátt í nauðguninni lést í fangelsi.

Samkvæmt AFP fréttaveitunni verður refsing mannanna ákveðin á fimmtudaginn, en danska konan var ekki viðstödd réttarhöldin.

Árásin var ein í röð kynferðisárása á ferðamenn í Indlandi. Eftir að ung kona lét lífið eftir alvarlega hópnauðgun í Indlandi árið 2012 voru refsingar við slíkum brotum hertar verulega.