Elvar Baldvinsson vann Tónkvíslina 2016: Sjáðu keppina í heild sinni

Elvar Baldvinsson vann sigur í Tónkvíslinni 2016, söngvakeppni Framhaldsskólans á Laugum, sem fram fór síðastliðin laugardagskvöld í íþróttahúsinu á Laugum. Elvar söng lagið Nothing really matters og gerði það virkilega vel.

Söngkeppnin Tónkvíslin hefur verið haldin af Nemendafélagi Framhaldsskólans á Laugum allt frá árinu 2006. Keppnin var í beinni útsendingu á Bravó og Vísi.

Þetta er í ellefta skipti sem keppnin er haldin en í fyrra var keppnin í fyrsta skipti í beinni útsendingu á sjónvarpsstöðinni Bravó og mun hún vera það líka í ár. Keppnin er haldin í íþróttahúsinu við Framhaldsskólann, í Reykjadal.

Keppninni er skipt upp í tvo flokka, annars vegar eru það keppendur úr Framhaldsskólanum og hins vegar keppendur úr grunnskólum næsta nágrennis, allt frá Vaðlaheiði austur að Vopnafirði. 8 grunnskólum er boðið að taka þátt en þetta árið taka nemendur úr Borgarhólsskóla, Stórutjarnaskóla, Þingeyjarskóla og Öxarfjarðarskóla þátt.

Þetta árið voru 16 keppnisatriði, 8 úr Framhaldsskólanum, 8 úr Grunnskólunum, ásamt einu atriði frá kennurunum sem fær að taka þátt í símkosningu.

Hér að neðan má sjá upptöku frá Tónkvíslinni árið 2016.