Sjáðu sparkið hjá Walsh: Þetta er búið!

Sparkarinn Blair Walsh er orðinn einn þekktasti maðurinn í bandarískum íþróttum eftir helgina.

Walsh klúðraði vallarmarki af stuttu færi þegar innan við hálf mínúta var eftir af leik Minnesota Vikings og Seattle Seahawks í fyrstu umferð úrslitakeppni NFL-deildarinnar um helgina.

Sjá einnig: Sparkarinn í Minnesota tekur fulla ábyrgð

Seattle vann því leikinn, 10-9, og eiga því enn möguleika á að fara í úrslitaleikinn, Super Bowl, þriðja árið í röð.

Henry Birgir Gunnarsson lýsti leiknum á Stöð 2 Sport og má sjá sparkið í lýsingu hans í spilaranum ér fyrir ofan.