Náðist á myndband þegar hann hrækti framan í leigubílstjórann

Leigubílstjórar lenda oft í leiðinlegum viðskiptavinum sem eru oftar en ekki nokkuð drukknir.

Þann 12. janúar, lenti leigubílstjórinn Kris, í heldur leiðinlegu atviki þegar einn viðskiptavinur var eitthvað ósáttur við hana og einfaldlega hrækti í andlitið á henni. Atvikið átti sér stað fyrir utan Stags barinn í Newport í Bretlandi.

„Inn í bílinn komu tveir karlmenn og ein kona og voru þau nokkuð drukkin, en alls ekkert ofurölvi,“ segir leigubílstjórinn í samtali við breskan miðil.

„Ég spurði hvort þau gætu lokað bílhurðinni en fékk þau svör að þau væru að bíða eftir einni manneskju til viðbótar. Þá endurtók ég spurninguna og bað þau um að loka á meðan við værum að bíða.“

Hún segir að því næst hafi maðurinn sem sat fram í byrjað að tala heldur dónalega til hennar. Samtalið varð fljótlega mjög harkalegt og endaði með því að maðurinn hrækti framan í Kris. Það atvik má sjá hér að neðan.