Helga Arnardóttir fréttamaður fjallaði um það í þættinum Mannshvörf þegar Einar Örn Birgis hvarf að því er virtist sporlaust árið 2000. Síðar kom í ljós að vinur hans og viðskiptafélagi, Atli Helgason, hafði ráðið honum bana.
Málið hefur vakið mikla athygli að nýju eftir að Helga greindi frá því í Kastljósi í gær að Atli hefði fengið uppreist æru og sæktist nú eftir því að fá lögmannsréttindi sín að nýju. Hann sat í fangelsi í níu ár af sextán ára fangelsisdómi sem hann hlaut fyrir morðið árið 2001.
Vísir birtir umfjöllunina í Mannshvörfum í heild sinni í tilefni þessarar umræðu en þess má geta að hægt er að horfa á alla þættina í Stöð 2 Maraþon.
Mannshvörf: Þegar Einar Örn hvarf sporlaust
Tengdar fréttir
Engin krafa um iðrun þegar menn fá uppreist æru
Á umsóknina þarf að koma fram nafn, kennitala og heimilisfang og svo vottorð um góða hegðun frá tveimur valinkunnum einstaklingum.
Faðir Einars Arnar: Uppreist æru Atla sem blaut tuska í andlitið
Faðir Einars Arnar Birgissonar vissi ekki af uppreist æru Atla Helgasonar fyrr en hann sá málið í fréttum í gærkvöldi. Segir að fjölskyldan muni líklega ekki láta málið kyrrt liggja.
Morðið á Einari eitt umtalaðasta sakamál síðari ára
Það hefur vakið mikla athygli að lögfræðingurinn Atli Helgason skuli hafa fengið uppreist æru en hann var árið 2001 dæmdur í 16 ára fangelsi fyrir að verða Einari Erni Birgissyni að bana með hamri þann 8. nóvember árið 2000.
