Ahluwalia loksins á leiðinni heim

Leikarinn Waris Ahluwalia er á leiðinni heim til New York eftir að hafa dvalið tvo sólahringa á flugvelli í Mexíkó í mótmælaskyni.

Ahluwalia sem er síki neitaði að taka af sér túrban sinn í öryggishliði og var því bannað að fljúga með flugfélaginu Aeromexico.

Í kjölfarið ákvað hann að hefja setuverkfall á flugvellinum þar til að flugfélagið myndi gera sér grein fyrir mismunun sinni og bæta úr.

Í gær náðu Ahluwalia og Aeromexico saman um bættar aðgerðir og féllst Ahluwalia á að fljúga loksins heim. Hann segir á instagram reikningi sínum að hann sé ánægður með að fyrirtækið sé tilbúið til að viðurkenna mistök sín og bæta vinnuferla.