Arsenal missteig sig í Guttagarði | Sjáðu mörkin

Everton vann frækinn sigur, 2-1, á Arsenal í skrautlegum leik í kvöld. Þetta var fyrsta tap Arsenal í 15 leikjum.

Arsenal mistókst því að komast upp að hlið Chelsea á toppi deildarinnar.

Alexis Sanchez kom Arsenal yfir á 20. mínútu en Seamus Coleman jafnaði svo skömmu fyrir leikhlé.

Það var svo miðvörðurinn Ashley Williams sem tryggði Everton sigur með marki á 86. mínútu.

Lokakafli leiksins var ævintýralegur þar sem Everton bjargaði í tvígang á línu í uppbótartímanum.

Everton komst upp í sjöunda sætið með sigrinum en Arsenal er sem fyrr í öðru sæti.