Óreynd varnarlína gegn Noregi

Landsliðsþjálfararnir Lars Lagerbäck og Heimir Hallgrímsson hafa tilkynnt byrjunarlið sitt fyrir leikinn gegn Noregi á eftir.

Nokkrir leikmenn sem ekki hafa mikið að spila fá tækifæri í leiknum í dag. Varnarlínan er frekar óreynd með þá Hauk Heiðar, Hörð Björgvin og Sverrir Inga innaborðs. Aðeins Ragnar Sigurðsson hefur verið fastamaður í varnarlínunni.

Ögmundur Kristinsson fær tækifæri í markinu og Alfreð Finnbogason er í fremstu víglínu með Jóni Daða en Kolbeinn Sigþórsson er á bekknum en hann hefur verið að glíma við meiðsli.

Leikurinn hefst klukkan 17.45 og verður í beinni textalýsingu á Vísi.

Markvörður

Ögmundur Kristinsson

Hægri bakvörður

Haukur Heiðar Hauksson

Vinstri bakvörður

Hörður Björgvin Magnússon

Miðverðir

Ragnar Sigurðsson og Sverrir Ingi Ingason

Hægri kantmaður

Jóhann Berg Guðmundsson

Vinstri kantmaður

Emil Hallfreðsson

Miðjumenn

Aron Einar Gunnarsson (fyrirliði) og Gylfi Þór Sigurðsson

Sóknarmenn

Alfreð Finnbogason og Jón Daði Böðvarsson