Systir Mariuh Carey handtekin fyrir vændi

Eldri systir söngkonunnar Mariah Carey var handtekin fyrir vændi á föstudaginn. Lögreglan í Saugerties í New York ríki lagði gildru fyrir hana eftir að hún auglýsti vændi á netinu.

Alison A. Carey var handtekin á hóteli í bænum, en hún hafði stundað vændi á hótelinu í um viku. Lögreglan hefur sagt að þeir sem hafi haft mök við hana, ættu að fara til læknis.

Héraðsmiðillinn Daily Freeman segir frá því að lögregluþjónar hafi séð auglýsingu Carey á netinu og einn þeirra hafi verið sendur til að leggja hana í gildru.

Í auglýsingunni vitnaði Carey í frægt lag systur sinnar frá árinu 1995 sem heitir Fantasy.

Samkvæmt heimildum People hefur Mariah Carey ekki rætt við systur sína um árabil.