Gera grín að Gauta og genginu

Rapparinn Gauti Þeyr Másson, betur þekktur sem Emmsjé Gauti, gaf í gær frá sér nýtt myndband við lagið Reykjavík.

Lagið er á plötunni Vagg & Velta og þykir nokkuð vinsælt hér á landi í dag. Í myndbandinu má sjá rapparann upp á húsþökum um alla Reykjavíkurborg og er greinilega öllu tjaldað til í gerð myndbandsins.

Undir lok myndbandsins tekur Emmsjé Gauti falleg dansspor ásamt nokkrum félögum sínum úr hljómsveitunum Úlfur Úlfur og Agent Fresco og hefur verið gert nokkuð grín af því á samfélagsmiðlum.

Á Facebook og Twitter er búið að klippa út nokkurra sekúndna brot úr myndbandinu og setja önnur lög yfir. Sem dæmi má heyra lögin I Want It That Way með Backstreet Boys og Sandstorm með Darude undir eins og sjá má hér að neðan.

Ég varð pic.twitter.com/rr6KT03MJg

— Jóhannes Gauti (@joigauti) October 19, 2016

:) pic.twitter.com/UBFGaLVKfm

— Svona hljóð gaur (@Idnadarmadur) October 20, 2016

Gauti sjálfur er hæstánægður með uppátækið og hvetur sem flesta til að taka þátt í gríninu. Besta útgáfan fær nýju plötuna hans í verðlaun.

Mér finnst þetta sturlað! Ég væri til í fleiri útgáfur. Besta útgáfan fær V&V á vínyl. Lets go. https://t.co/gN4izLQTMG

— Emmsjé (@emmsjegauti) October 20, 2016

Hér fyrir neðan má síðan sjá myndbandið sjálft, með réttu lagi undir, en því var leikstýrt af Frey Árnasyni.